Zakari 13:4 - Bible azumeina

⁴ Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a.

Zakari 13:4 Iomraidhean Croise

2 Amuleina 1:8

Azi hulong dum ala: Sa máma ni ki baru d’a ngol la tumusa atamu, d’ik ma ba’â djinda furum mi. Amulâ mi dazi ala: Ni Elie ma Tisbe-na.

Isai 20:2

Kur atchogoi ndata Ma didina mi de zlad’a avun Isai Amot goroma ala: Ang iya, ang i fok baru d’a dodor ra ang djinit furunga katuguru ma ang tchugum asengâ woyo. Isai mi le hina, mi tit bei baruna atamu, bei atuguruna asem mi.

Jeremi 2:26

D’igi sama kula mi mbut zulona ata yima a vum ki kulina na, agi Israel-lâ kamulei magina ki magi suma nglona ki magi suma ngat buzuna ki magi suma djok vuna, agi mba mbud’ugi zulona ni hina mi.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Matiye 3:4

Jean baru mam mba tchuka ni tumus djambala, d’i’â nga djinda furum mi. Te mama nabureina kayuma.

Marik 1:6

Jean baru mam mba tchuka ni tumus djambala ki d’i’â djinda furumu, te mama nabureina kayuma mi.

Hebre-na 11:37

A dur suma dingâ kahinad’a, a kuguziya, a ngad’azi ki sï ma kaweina aduk mbàmbà, a tchazi ki mbigeu d’a fiyaka, a tchuguzi bak tumiyôna ki bak b’ogeina ataziya, a nga tchazi irazi tata, a mbud’uzi suma talala, a djobozi vunaziya, a lazi tchod’a heî mi.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.