Zakari 13:3 - Bible azumeina

³ Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina.

Zakari 13:3 Iomraidhean Croise

Jeremi 23:25

Ma didina mi dala: An hum zla d’a suma djok vun ndazina a nga djogota. A nga djok vun ma ka zlad’a ala: Adïd’a dan na, adïd’a dan na.

Jeremi 23:34

Le ma djok vuna d’oze ma ngat buzuna d’oze sama lara ma nga mi dala: Wana ni zla d’a aneka hi Ma didinid’a ni, an mba ni mba, ni ngobom ki sum mama pet.

Jeremi 28:15

Ma djok vun Alona Jeremi mi de mi ma djok vuna Hananiya kua ala: Hananiya, ang huma! Ma didina mi sunungî nga d’i, wani ang nga zut suma á tin huruzi yam zla d’a kad’a.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 14:9

Wani le ma djok vuna mi lobom mi dum zla d’a dinga ni, ni an Ma didina ba, mba ni lop ma djok vun máma, an mba ni hlabon kan akulo á ngobomu, an mba ni pad’am mbei aduk man suma Israel-lâ mi.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Gat ta a hat á mbàd’id’a 18:20

Wani ma djok vun ma yam mba ad’eng ma nga mi de zlad’a ki simiyên nda an dumzi nga d’uo d’a, d’oze ma nga mi de zlad’a ki simiyê alo ma dingîna, ma djok vun máma, an mba ni tchum mbeyo.

Gat ta a hat á mbàd’id’a 33:9

Azi suma a dala azi we nga abuyozi kasuyozi d’uo na, ni sumala a we nga b’oziyozina ki grozina d’uo mi na, kayam suma hi Levi ndazina a ngom zla manga ki vun mang ma djinda mi.