Zakari 13:2 - Bible azumeina

² Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

Zakari 13:2 Iomraidhean Croise

1 Amuleina 22:22

Mi dum ala: An i ni de zla d’a kad’a avun suma djok vuna hamulîna pet. Ma didina mi dum ala: Ang i lobomu, ang i le hina!

Sawal la giled’a 16:4

Suma a nga hal alo ma dingîna, a mba mba ki ndaka kaziya. An mba ni ngad’am buzuna d’i, an mba ni yum simiyêm ki vunan nduo mi.

Buzuk ka Abud’a 22:13

Wani le va mi vumî ve ni, sama a hum va máma abom golina, mi mba ki haram abom á le glangâsâ kamu. Hina wani, mam nga mi wurak ki, kayam va mi vumî ve.

Buzuk ka Abud’a 23:13

Agi ngomogi ahle suma an dagizina pet. Ar agi yagi simiyê alo ma ding ngi, ar a humum simiyêm avunagi d’uo mi.

Isai 2:18

Fileina ki zlam pet mba mi dap peyo.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Ezekiyel 12:24

Kayam vama hawa yak ma nde tam mbei ir sanina d’oze zla d’a de d’a aboi d’a lop vun suma d’a yam ahle suma a mba lena, a mba fazi aduk Israel-lâ d’uo d’a.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 14:9

Wani le ma djok vuna mi lobom mi dum zla d’a dinga ni, ni an Ma didina ba, mba ni lop ma djok vun máma, an mba ni hlabon kan akulo á ngobomu, an mba ni pad’am mbei aduk man suma Israel-lâ mi.

Ezekiyel 30:13

Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 36:29

An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a.

Ezekiyel 37:23

Azi mba mbut tazi ndjendjed’a ki filei mazi ma tchet ma ndjendjed’a kandjaf tcho mazi d’a tetenga d’uo d’a. An mba ni prud’uzi woi kur yima lara ge ma azi kak kua ma azi le tchod’a kuana, an mba ni mbud’uzi yed’et. Azi mba ka’î sum mana, an mba ni ka’î Alo mazina mi.

Ezekiyel 43:7

Ma didina mi dan ala: Ang gor sana, ang gol yima wana. Zlam man nda amula ti ni ka hî, an mba ni tchuk asen ni kua, an mba ni kak ka hî aduk Israel-lâ ki iran fafat mi. Israel-lâ kamulei mazina a mba mbud’un simiyên Ma bei tchod’a ba na ndjendjed’a ki sun mazi d’a batranga ki filei mazina ki tos sa a tos mad’a amulei mazina ka hî d’a d’uo mi.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Wana ni mbaktumba hi Oze-d’a 2:17

Ata yi máma an mba ni hulongôt asine mat ma guguzlud’a, an mba ni mbut hor ra Akor-ra d’igi vun agrek ma mi malat lovot ta tin hurîna na. Ti mba d’i tit ad’un d’igi ndat ti tit ad’un adjeu ki weyeta na, d’igi bur ma ndat ti nde woi yam ambas sa Ezipte-d’ina na mi.

Wana ni mbaktumba hi Oze-d’a 2:19

An mba ni tchi simiyê Bäl lei avunat tala ti djib’er yam simiyê alo ma teteng máma d’uo d’angû d’a.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Matiye 12:43

Jesus mi had’azi kua ala: Ata yima muzuk ma tchona mi nde woi kur sanina, mi i ata yima bei mbina á hal yima tuk tama, wani mi fum mbi.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Wana ni Zla d’a Djivi d’a Luc mi b’irita 11:20

Wani le an nga ni dik muzuk ma teteng ma tchona woi ni kad’enga hAlonid’a ni, Alona mi mba wa adigagi á te leu mamba.

Gat ta a hat á mbàd’id’a 12:3

Agi pleyêgi yi mazi ma teteng ma ngal ahle suma ngat buzuna woyo, agi togi ahuniyô suma a tched’ezi a tinizi á kud’urozina woyo, agi ngalagi filei mazina woi kakud’a, agi tozi angus ahle mazi suma azi tched’ezi d’igi alo mazina na na woyo, agi blazazi simiyêzi woi yam ambas ndata.

Gat ta a hat á mbàd’id’a 18:20

Wani ma djok vun ma yam mba ad’eng ma nga mi de zlad’a ki simiyên nda an dumzi nga d’uo d’a, d’oze ma nga mi de zlad’a ki simiyê alo ma dingîna, ma djok vun máma, an mba ni tchum mbeyo.

Josue 23:7

Ar agi zlabagi tagi kandjaf ma ar kaka ki sed’egi wana d’i. Ar agi yagi simiyê filei mazi ma tetengâ ki vunagi d’i, ar agi gunugi tagi ki sed’ezi d’i, ar agi lazi sunda d’i, ar agi grivigi kä avorozi á kud’urozi d’uo mi.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.