Zakari 12:5 - Bible azumeina

⁵ Amulei suma Juda-na a mba de kuruzi ala: Nata Alo Ma didin ma ad’engêm kal petna ba, suma Jerusalem-ma a fad’enga.

Zakari 12:5 Iomraidhean Croise

Sawal la giled’a 144:1

Ni sawal la gile d’a David mi hlata. An subur Ma didina ahina manda, kayam mi han ad’enga á durâ, mi minin lovota á dur ayîna mi.

Sawal la giled’a 18:32

Alo ma iratna ni nge? Ni Ma didina. Ahina d’a irata ni nge? NAlo meina.

Sawal la giled’a 18:39

An mba ni tchalazi tchid’a, sa mba mi tchol akulo avoron ndi; azi mba puk kä, an mba ni tin asen kelezi kä.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 1:26

An mba ni hulong tin mang suma ka sariyad’a d’igi suma adjeuna na, an mba ni tin mang suma de d’alâ d’igi suma avo’â na mi. Bugola, a mba yang ala Azì ma ngol ma d’ingêrâ, Azì ma ngol ma d’engzengâ mi.

Isai 28:5

Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ.

Isai 28:6

Mba mi zut suma ka sariyad’a á ka sariya d’a d’ingêra, mba mi had’enga mi suma a nga dik suma djangûna woi avun agre’îna mi.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 32:1

Kur bur máma amulâ mba mi tamula ki d’ingêra, mam suma nglona a mba te yamba ki d’ingêra mi.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Isai 60:17

An mba ni hak lora balum kawei ma hleuna, an mba ni hak kawei ma hapma balum kawei ma wurana, an mba ni hak kawei ma hleuna balum aguna, an mba ni hak kawei ma wurana balum ahinad’a. An mba ni mbut b’leng nga halasa ni vama ngomo’â, d’ingêra ni vama te ka’â mi.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Zakari 12:4

An Ma didina nga ni dagiya: Kur bur máma an mba ni mbut akulumeina lilid’a pet, an mba ni gurut suma a djangâzina woi mi. Wani an mba ni tin iran ni yam suma Juda-na, an mba ni duk ir akulumeina handjaf suma dingîna woyo.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

Zakari 14:14

Suma Juda-na a mba dur yam Jerusalem, a mba tok ndjondjoîd’a handjaf suma a nguyutna pet, nala, lora ki kawei ma hapma ki baruna ablaud’a mi.

Suma ka sariyad’a 5:9

An hurun mi zlap tu kamuleina hi Israel-lîna, ki suma a he tazi kur min mazid’a aduk sumina. Agi gilegi Ma didina!