Zakari 12:10 - Bible azumeina

¹⁰ Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Zakari 12:10 Iomraidhean Croise

Ad’u Tinda 45:1

Josef mi ndak á ve tam avok suma pet suma a nga ki sed’ema d’i, mi de ki delem akulo ala: Ar suma pet a buzuk keyo! Ata yima sa tu nga gevem mbuo na, mi tak tam mi b’oziyoma.

Ad’u Tinda 45:2

Mi nde tchina ki delem akulo; Ezipte-na a hum tchi máma, zla tchi máma mi i gak avo hi Faron.

Sawal la giled’a 51:12

Alo mana, ang mbud’un ndei yed’et, ang han djib’er ra djivi d’a ndaka kurunu.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Zla d’a d’ogolâ 4:3

Adjeu an ni gor ma abun le kan heîna, an ni ma gor ma abo asun van tuna.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Ezekiyel 20:43

Ata yi máma agi mba djib’eregi yam tit magid’a ki sun nda lara ge d’a agi mbud’ugi tagi ndjendjed’a ki sed’eta, agi mba hlagi iragi akulo abo sun nda tcho d’a lara ge d’a agi lata d’i.

Ezekiyel 37:14

An mba ni fo Muzuk mana kurugiya, agi mba kagagi karid’a. An mba ni siragi sideyegi kä yam andaga magid’a, agi mba wagi ala an Ma didina ni de zlad’a, ni le sunda kat mi! An Ma didina ni de na.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Ndumba 21:9

Moise mi yor kawei ma hleuna guguina, mi gabam akulo avun aguna. Le guguina mi et sana ba, mi gol gugui ma kawei máma ni, mi sud’a.

Matiye 24:30

Ata yi máma, simata hi an Gor Sanid’a mba d’i ndeï akulo. Kur bur máma andjaf suma yam andagad’ina pet a mba tchiya, a mba wan an Gor Sana mba ni mbeï kur d’ugula kad’enga ki subur ra ngola.

Matiye 26:75

Pierre mi djib’er yam zla d’a Jesus dumzi ala: Avok bei ahle’â mi hela, ang mba tin vunang kan yang hindi ala ang wan nga d’uo d’a. Mi ndabua, mi tchi ngola.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Sunda hi suma a sunuzinid’a 10:45

Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Sunda hi suma a sunuzinid’a 11:15

Kid’a an tin ad’ud’a á de zlad’id’a, Muzuk ma bei tchod’a ba na mi tchuk kä kazi d’igi mi tchuk kei adjeu na mi.

Sunda hi suma a sunuzinid’a 2:17

Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 2:37

Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Romê-na 8:26

Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Jude 1:20

Wani agi buniyôn suma od’a, agi wulugi tagi akulo kur he gagazi magi d’a kal papa d’a tinigi iragi vagi mAlonid’a, agi tchenegi Alona kad’enga hi Muzuk mam ma bei tchod’a ba na mi.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

1 Samuel 7:2

Bugol la a tin zandu’â hi Ma didinina avo Kiriyat-Jarim-mba, mi kak kua bizad’a ablaud’a, mi le bizad’a ni dok mbà. Suma pet a nga tchi kuruzi krovo á hulong gen Ma didina.