Zakari 11:9 - Bible azumeina

⁹ Ata yi máma an de mi tumiyôna ala: An dok ni pologi d’uo d’a. Ma mitna ar mi mid’a, ma ba woina ar mi ba woyo, suma a arâ ar a mut taziya.

Zakari 11:9 Iomraidhean Croise

Jeremi 19:9

An mba ni tinizi á mut grozi suma andjofâ ki grozi suma aropma. Nge nge pî mba mi mut ndrama abo ndak ka mazi suma djangûna ki suma a halazi á tchid’ina a mba lazizi kur bur ma a mba nguyuzi kä na.

Jeremi 23:33

Ma didina mi de mi Jeremi ala: Le sum ndazina d’oze ma djok vuna d’oze ma ngat buzuna, a djobong ala: Zla d’a aneka hi Ma didinid’a ni me ge ni, ang dazi ala: Zla d’a anek ndata ni agi tagid’a! Ma didina mi dala: An tchugugi woyo!

Jeremi 23:39

An mba ni maragi woi ki iran fafat, an mba ni tchugugi woi dei avoron zlapa kazì ma ngol ma an hagizi mi agi kabuyogi ngolona,

Jeremi 43:11

Mam mba mi mba, mba mi dur ambas sa Ezipte-d’a. Suma a ngazi matna kazina a mba bo, suma a ngazi magomba kazina a mba i magomba, suma a ngazi mbigeu d’a fiyaka kazina a mba tchazi ki mbigeu d’a fiyaka mi.

Ezekiyel 5:10

Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Zakari 13:8

Ma didina mi de kua ala: Andagad’a abot ma wal ad’u hindina abot ma mbàna suma kuruma a mba tchazi woyo, abot ma hindina suma kuruma a mba arî aziya.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 21:19

Mi we tuluma mi nga tchola avun lovota, mi i atamu, wani mi fe nga va d’i, ni humam hol. Jesus mi dum ala: Ang dok vut tuo d’a. Ata yi máma na wat, mi so woyo.

Matiye 21:43

Ni kayam ndata ba, an nga ni dagiya, Alona mba mi hle leu mamba woi abogiya, mba mi hat mandjaf ma mba mi le sun nda Alona mi minitina. [

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 8:21

Kayam ndata, Jesus mi dazi kua ala: An nga ni iya. Agi mba halanu, wani agi mba bogi kur tcho magid’a. Yima an nga ni i kuana, agi ndak á igi kua d’i.

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

Vama ndum mbeina 22:11

Sama le tchod’a, ar mi i avok kur tcho mamba; sama le sun nda ndjendjed’a, ar mi i avok kur ndjendje mamba; sama le djivid’a, ar mi i avok kur djivi mamba; sama yed’etna, ar mi i avok kur yed’et mamba mi.