Zakari 11:8 - Bible azumeina

⁸ An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Zakari 11:8 Iomraidhean Croise

1 Amuleina 11:25

Kid’a Salomon nga mi tamula tua d’a, Rezon mi kak djangûna ki Israel-lâ. Tcho d’a mi lata ni d’igi d’a hi Hadat-ta na mi, mi noî Israel-lâ woyo, mi tamula yam suma Siri-na mi.

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Sawal la giled’a 5:5

Angî Alo ma tang nga d’i lang djivid’a yam tchod’a d’uo na; sama asa’atna nga mi kak ki sed’eng nguo mi.

Sawal la giled’a 78:9

Efraim groma a gan yeûd’a á durâ, wani a ring kur bur ma dur ayîna,

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Jeremi 12:8

Sumala ni mana na, a mbut azlona kan aduk agud’a, a nga toï breîd’a atanu. Ni kayam ndata ba, an noyôzi woyo.

Jeremi 14:21

Yam simiyêngû, ang golomi is si. Ar zulona mi mba yam zlam mang nga amul la subura d’i, ar ang djib’era, ar ang but vun ma ang djinim ki sed’emina woi d’uo mi.

Jeremi 6:30

Suma a mba yazi ala Kawei ma hap ma a golom isâ, kayam Ma didina mi noyôzi woyo.

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Ezekiyel 16:45

Gagazi, nda’î gor ra asut ti gol ndjuvut ki grotna ni vama ndjendjed’id’a, nda’î d’igi b’oziyok suma arop suma a gol andjuvoyozi ki grozina ni vama ndjendjed’ina na mi, asu’î gor ra Het-ta, abu’î ma Amor-râ mi.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Sunda hi suma hi Levi-nid’a 26:11

An mba ni min yi man ma kaka adigagiya, an mba ni gologi d’igi vama ndjendjed’a na d’i.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Sunda hi suma hi Levi-nid’a 26:44

Wani fata an mba ni izi kur ambasa hi mazi suma djangûnid’a, an mba ni arazi woi ki iran fafat ti, an mba ni golozi is gak mba ni dabazi woi d’i, an mba ni but vun man ma djin ma an djinim ki sed’ezina woi d’uo mi, kayam an ni Ma didina Alo mazina.

Wana ni Zla d’a Djivi d’a Luc mi b’irita 12:50

Wani batemba nga ni d’a mbeî an lata, hurun nga hat kat gak an lat tua.

Wana ni Zla d’a Djivi d’a Luc mi b’irita 19:14

Wani suma yam andaga mambina a noyômu, a ge sunda blogomu, a dala: Ami min sa máma mi te kami d’i.

Jean 15:18

Jesus mi dazi kua ala: Le suma kur duniyad’ina a noyôgiya ni, agi wagi ala a noyôn an adjewe.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Gat ta a hat á mbàd’id’a 32:19

Ata yima Ma didina mi we grom suma andjofâ ki grom suma aropma a nga lazama, mi noyôzi woi mi.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.