Zakari 11:7 - Bible azumeina

⁷ An nga ni pol tumiyô suma a tchuguzi á ngatina. Gagazi, azi ni tumiyô suma hohoud’a. An yo tutuguyona mbà, an yi d’a hî d’a ala Sumad’a, an yi d’a hî d’a ala Zlap pa tud’a, an pol tumiyô ndazina.

Zakari 11:7 Iomraidhean Croise

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 27:4

An nga ni tchen Ma didina yam vama an nga ni halam ki hur ma hatina: Nala, an min kak kur gong nga kud’ora hi Ma didinid’a teteu gak mat mana á gol subur mamba, á gol gong mam mba kud’ora ki furîd’a mi.

Sawal la giled’a 90:17

Salad’a Alo mamina, ar ang vami sumad’a! Ang ar sirami sun mami d’a abomid’a. Gagazi, ang sira sun ndata abomiya!

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Jeremi 39:10

Wani suma kid’ak suma aduk suma suma va mazi nga d’uo na, Nebuzaradan ma ngolâ hi suma a ngom yinina, mi hazi lovota á kak kur ambas sa Juda-d’a, mi he vuna kur bur máma á hazi asine ma guguzlud’a kasine ma dingâ mi.

Sunda hi suma hi Levi-nid’a 27:32

Le ni d’uwar ma nglona d’oze ma gureina ni, ata yima a ndumuzina, a hazi dima, a tinizi irazi vazi mi an Ma didina ki irazi fafatna.

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Sofoni 3:12

An mba ni ngom suma lulumana ki suma hou suma kuruk suma a nga hal yima ngeid’a atana.

Zakari 11:14

Bugola, an kus totogo man nda mbà d’a a yat ala Zlap pa tud’a d’a woi á wal darigï d’a wiyed’a woi aduk suma Juda-na ki Israel-lîd’a.

Zakari 11:4

Ma didina Alo mana mi dan ala: Ang pol tumiyô suma a tchuguzi á ngatina.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Marik 12:37

David tamba nga mi yum ala Salana. Ni nana ba, Mesi mi mbut goroma ge?

Jean 10:16

An nga ki tumiyô suma dingâ kua, suma a nga kur kangâ ma wana d’uo na. Mbeî an mba ni mbazi kur mi. Azi mba humun delenu, azi mba mbut ades ma tuna, ma polozina ni tu mi.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Samuel 17:40

mi hle totogo mamba abomu, mi i avun mbina, mi var grei ma djivina vahl, mi tchugum kur bid’im mam mba pol aho’â, mi yo mbiu mamba abomu, mi i ata Goliyat.

1 Samuel 17:43

Goliyat mi de mi David ala: An nadina ba, ang mba atan ki totogod’a zu? Mi yum filei mama kamu,