Zakari 11:12 - Bible azumeina

¹² An dazi ala: Le djivid’a iragiya ni, agi handi wurak manda. Le d’uo ni, agi kagagiya. Kayam ndata, a nga bege d’a hapa dok hindi yam wurak manda.

Zakari 11:12 Iomraidhean Croise

Ad’u Tinda 23:16

Abraham mi hum Efron, mi nga bege d’a hapa ki kilona mi Efron d’igi mam de woi avok suma Het-na na ala ni gurzu d’a hapa kikis fid’i hina mi, ni bege d’a suma mbut abozina a nga vata.

Ad’u Tinda 37:28

Wani ata yima suma mbut abozi suma Madiyan-na a nga kalâ, Josef b’oziyoma a hlumï woi kur golong nga adjeud’a, a guzum mbei abo suma Ismael-lâ ir gurzu d’a hapa dok mbà; azi i ki sed’em Ezipte.

1 Amuleina 21:2

Ahap mi de mi Nabot ala: Ang han asine mang ma guguzlud’a, an mbud’um asine ma zar ahle suma amblad’a, kayam mi go kaziyanu. Le ná mbuta ni, an hang asine ma guguzlu ma djivi ma kalâ. D’oze, le ang mina ni, an wuragang beged’a.

1 Amuleina 5:6

Salomon mi dum kua ala: Wani ki tchetchemba, ang he vuna mazungeî mangâ a i yam ahuniyô suma Liban-na, a kanï agu sedre ma an minima. Azungeî mana a mba i kazungeî mangâ á ndjunuzi kad’a. An mba ni wurak azungeî mangâ yam sun mazid’a vama ang mba ngandjina. An we avo hatami ka hî sama ndak á kaguna d’igi mang suma Sidon-na na na nga d’i.

2 Sunda Hamuleinid’a 30:4

Zla ndata lamulâ tam djivid’a kablau suma toka pet mi.

Buzuk ka Abud’a 21:32

Le amuhlâ mi tchok magoma d’oze magomba ni, ar sala amuhlâ mi wurak bege d’a hapa dok hindi mi sala magoma, a dur amuhl máma kahinad’a mi.

Jeremi 32:9

An gus asinena abo Hanamel abun ma dingâ goroma mam ma sä Anatot-na, an guzum ki bege d’a hapa dogo yam kid’iziya.

Sunda hi suma hi Levi-nid’a 27:4

Le natchad’a ni, ang he bege d’a hapa dok hindi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 26:15

Mi dazi ala: Le an hagi Jesus abogiya ni, agi mba han ni me ge? A hum bege d’a hapa dok hindi.

Matiye 27:10

A he bege ndata yam asinena hi ma min duguyona d’igi Ma didina mi han vuna na.

Matiye 27:9

Ahle ndazina a le hina ná ndak vun zla d’a ma djok vun Alona Jeremi mi dat ala: A yo bege d’a hap pa dok hindid’a ni bege d’a Israel-lâ a ndjak vunazi á hat kamba d’a.

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,