Zakari 10:8 - Bible azumeina

⁸ An mba ni yazi ki feta, an mba ni togoziya, kayam an nga ni tchuguzi akulo, azi mba zul d’igi azi zul adjeu na.

Zakari 10:8 Iomraidhean Croise

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

Buzuk ka Abud’a 1:7

Gro Israel-lâ a nga vud’a, a nga zul avogovogo, a zul mimiyâk, a nga mbut ad’enga, a oî yam ambasa mi.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 7:18

Fata bur máma mbad’a, Ma didina mba mi yi aro ma avun alum ma Nil-lîna taud’a kayum ma yam ambas sa Asiri-d’ina mi.

Isai 7:19

A mba kak ir b’irlima avun gongôd’id’a, kur zul ahinad’a, aduk azlupa, abagei hur fula mi.

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Mise 2:12

Ma didina mi dala: Agi andjafâ hi Jakob-ma, an mba ni togogï ki zla tagi pet, an mba ni togogi agi Israel-lâ ad’ugi d’a ara. An mba ni togogi d’igi a tok tumiyôna kur kangâ mazina na, d’igi a tok d’uwarâ ata yam ma te hatna na. Agi mba togogi ni tok ka ablau d’a vuna kat gandjaud’a.

Zakari 9:11

Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.