Zakari 10:7 - Bible azumeina

⁷ Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Zakari 10:7 Iomraidhean Croise

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Ad’u Tinda 43:34

Josef mi hazi te ma avoroma, wani mi he mi Benjamin kal yam ma hi b’oziyomina yam vahl; azi tche süma ki sed’em gak a nde sanda.

Sawal la giled’a 102:28

Wani angû, ang nga mbut ti, bizang mba d’i dap puo mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Sawal la giled’a 13:5

Ar man ma djangûna mi de kan ala, mi kuzun wa d’i, ar man suma djangûna a le furîd’a yam puk manda d’uo mi.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 33:21

Kayam ndata, ei nga lei furîd’a kuri krovo kamu, kayam ei dengeî tei ni yam simiyêm Ma bei tchod’ina.

Sawal la giled’a 90:16

Ang ar ami azungeî mangâ wami sun mang nga ad’enga, ar gromi ngolona a we subur manga mi.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 38:19

Wani ni suma a nga ki irazi ini d’igi an na na ba, a mba gilengû. Nabuyod’a ba, a mba tak d’engzeng manga woi mi grozina.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Jeremi 32:39

An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Habakuk 3:18

hina pet pî, an ni le furîd’a yam ang Ma didina, an ni le hur ma hapma yam ang Alo man ma suta.

Sofoni 3:14

Ang azì ma ngol ma Siyon-na, ang le furîd’a! Agi Israel-lâ, agi eregi ad’ugi akulo ki hur ma hapma! Ang azì ma ngol ma Jerusalem-ma, ang le furîd’a kurung krovo!

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Wana ni Zla d’a Djivi d’a Luc mi b’irita 1:47

An nga ni le furîd’a yam Alo ma sud’una,

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Sunda hi suma a sunuzinid’a 13:33

Kid’a Alona mi tchol Jesus akulo aduk suma matnid’a, mi ndagat vunat mi ei grozi ngolona. D’igi a b’ir kur Sawal la Gile d’a mbàd’a na ala: Angî Gorona, an vud’ung wa ini.

Sunda hi suma a sunuzinid’a 2:26

Ni kayam ndata ba, an nga ki hur ma hapma, tan nga d’i lan djivid’a, tan mba d’i tuk halas kayam an ni tin hurun ni kangû,

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

1 Samuel 2:1

Anne ti subur Alona, ti dala: An nga ni le furîd’a kurun yam Ma didina. An hle wa yan akulo yam djivi mamba mi lata. An ndak á san ad’u man suma djangûna. An nga ni le furîd’a, kayam Alona mi ndjununu.