Zakari 10:5 - Bible azumeina

⁵ Azi mba mbut ni d’igi grang suma durâ na, a mba miret suma a duruzina kä kasezi d’igi a miret lubuna kä kur lovota na, a mba duruziya, kayam an Ma didina mba ni kak ki sed’eziya. Suma djang akulumeina hi mazi suma djangûnina a mba mbut zulona.

Zakari 10:5 Iomraidhean Croise

2 Samuel 22:43

An nga ni lud’uziya, an mbud’uzi ni d’igi guguma na, an mba ni mired’ezi kä d’igi suma a miret lubu ma kur lovotina kä na.

2 Samuel 22:8

Ata yima hurum zalâ, andagad’a ti yir gigidji, ti giget mi; ad’u ged’a hakulod’id’a ti yira, andagad’a kakulod’a a giget mi.

2 Amuleina 9:33

Jehu mi dazi ala: Agi zud’ud’ï kä ir fenetred’a. A zud’ud’ï kä. Ti ndeï kä, buzuwat mi djang huyok gonga, ata akulumeina mi. Jehu mi mired’et kä kasem akulumei mama.

Sawal la giled’a 18:42

Azi nga tchiya, wani sama ndjunuzi nga d’i; azi nga yi Ma didina, wani nga mi humuzi d’i.

Sawal la giled’a 20:7

Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

Sawal la giled’a 33:16

B’rang nga ngola hamulîd’a ti ndak á sud’um mbi; ad’enga hi grangîd’a ti ndak á sud’um mbuo mi.

Sawal la giled’a 44:5

Alo mana, angî amul mana, ni ang ba, had’enga mi sum mangâ á kus ayîna.

Sawal la giled’a 45:3

Ang djif mangâ kal suma pet. Zla d’a sumad’a nga d’i buzuk kei avunangû. Ni kayam ndata ba, Alona mi b’e vunam kang ki iram fafat.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 41:12

Suma a halagi huneîd’ina, agi mba halaziya, wani agi mba fazi d’i. Suma a nga durugi ayînina, a mba mbut ni vama hawa yak ma zlam nga d’uo na mi.

Isai 41:25

An tcholï ki sana abo ma norâ, nga mi djï abo ma yorogona. Nga mi yan simiyênu, nga mi miret suma te yamba kä kasem d’igi sana mi miret lubuna kä na, d’igi ma min deina mi mbuk lubu ma ab’lorina na mi.

Isai 8:9

Agi andjaf suma, agi eregi ad’ugi akulo, wani agi mba mbud’ugi mandarâ. Agi suma sä yam andagad’a dedeid’ina, agi tinigi humagiya, agi humugiya, agi minigi tagi á dur ayîna, wani agi mba mbud’ugi mandarâ.

Ezekiyel 38:15

Ang mba tcholï yam ambas manga ad’u dabid’a habo ma norîd’a dei, ang mba mba kandjaf suma ablaud’a ad’ungû. Azi pet ni suma a nga ngad’a yam akulumeina akulona, azi ni b’rang nga ablau d’a ngola mi.

Amos 2:15

Sama mi we yet yeûd’a heîna mba mi fe lovota á tchol li, sama ring heîna mba mi fe lovota á sut tam mbi, sama djang akuluma mba mi fe lovota á sut tam mbuo mi.

Mise 5:8

Ang hlabong akulo yam mang suma djangûna, ar ang kizagazi woi pet!

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Zakari 12:4

An Ma didina nga ni dagiya: Kur bur máma an mba ni mbut akulumeina lilid’a pet, an mba ni gurut suma a djangâzina woi mi. Wani an mba ni tin iran ni yam suma Juda-na, an mba ni duk ir akulumeina handjaf suma dingîna woyo.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Zakari 14:13

Kur bur máma Ma didina mba mi tinizi tcha d’a tatad’a ngola adigaziya, nge nge pî mba mi ve ndrama abomu, nge nge pî mba mi zi abom akulo yam ndrama mi.

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.

Zakari 9:13

An mba ni mbut suma Juda-na ni d’igi agu yeûd’a na. An mba ni mbut suma Efraim-ma ni d’igi sï yeûd’a na mi. Ndak Siyon, an mba ni sun sum ma’â á dur suma Gre’â, an mba ni mbud’uzi d’igi mbigeu d’a fiyaka hi grang ma durîd’a na.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Wana ni Zla d’a Djivi d’a Luc mi b’irita 24:19

Mi dazi ala: Vama le ni me ge? A dum ala: Ahle suma a le ki Jesus ma Nazarat-na. Mam mi ma djok vun Alona ma ad’eng ma kur sunda ki zla d’a ded’a avok Alona avok suma pet mi na.

Sunda hi suma a sunuzinid’a 18:24

Kur bur máma ma Juif-fâ, simiyêm ala Apolos, ambas mamba ni Alezandri, mi mba Efes. Ni ma we zla d’a ded’a heîna, mi we mbaktumba hAlonid’a ngola heî mi.

Sunda hi suma a sunuzinid’a 7:22

A hat Moise ned’a hi Ezipte-nid’a pet, mi nga kad’enga kur zla d’a ded’a ki sun mamba pet mi.

2 Korente-na 10:4

Ahle mami suma dur ayîna a nga nahlena hi suma bei he gagazid’ina d’i, wani nahle suma dur ayî suma ad’eng suma hAlonina á to gulumun ma ad’eng ma ngunguna hi ma djangûnina kä woyo. Ami pleyêmi tuguyo d’a hawa yaka hi sumid’a

Gat ta a hat á mbàd’id’a 20:1

Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

Josue 10:14

Avok bur máma d’oze bugol bur máma Ma didina mi hum nga vun sa d’igi mi hum vun Josue kur bur máma na d’i, kayam ni Ma didina tamba ba, mi dur yam Israel-lâ.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Vama ndum mbeina 19:17

An we malaikana mi nga tchola aduk afata, mi de ki delem akulo ala: Agi aluwei suma pirigi akulo aduk simetnina pet, agi mbeyegïya, agi togogï ata te ma ngolâ hAlonina,

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.