Zakari 10:4 - Bible azumeina

⁴ Ahina d’a djik gonga ki ponde ma b’al ahlena kagu yeû d’a dur ayîna, a mba tcholï nadigaziya, amuleina pet a mba buzugï nadigazi mi.

Zakari 10:4 Iomraidhean Croise

Ad’u Tinda 49:24

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

Esdras 9:8

Wani ki tchetchemba, ang Ma didina Alo mamina, ang wami wa hohowomiya, ang arami mami suma a arâ tcha, ang gahlabang kami kur ambas mang nga ang tinit irat vata, ang b’o yina woi avoromiya, ang tchugumi tami simetna kur magom mamid’a nde.

Sawal la giled’a 118:22

Ahina d’a suma djak gonga a gat teid’a, ti mbut ta djik gonga akulod’a.

Isai 19:13

Suma nglo suma Sowan-na ni suma lilid’a, suma nglo suma Memfis-sâ yazi b’laga. Ni azi ba, a nga vit Ezipte-na woyo.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 49:2

Mi mbud’un vunan d’igi mbigeu d’a fiyak ka te heîd’a na, mi dugun kä kangus abomu, mi mbud’un d’igi yeû d’a vunat feta dedelemba na, mi ngeyen kä kur azì yeû mamba d’igi ir yeûd’a na.

Isai 54:16

Gola! An min sa ma tchaf ma mi le vigina yam aku d’a kiwilîna, ni ma mi zle ahle suma sïna ki d’al mamina. Wani an min wa ma b’lak ahle suma sï ndazina woina mi.

Jeremi 1:18

Gola! An tining ini yam ambas ndata pet d’igi azì ma ngol ma ad’eng ma ngunguna na, d’igi grak ka kawei ma wurana na, d’igi gulumun ma kawei ma hleuna na á dur kamulei suma Juda-na ki mazi suma nglona ki mazi suma ngat buzuna ki suma kur ambasina pet mi.

Jeremi 51:20

Ma didina mi dala: Ndak Babilon, adjeu nda’î marto mana, ni va man ma sï ma dur ayîna. Ni ki ndak ba, an kizak kandjaf suma woyo, ni ki ndak ba, an b’lak ki leu d’a tetenga woi mi.

Zakari 9:10

An mba ni yo pus ma dur ayîna hi suma Efraim-mina woyo, an mba ni yo akulumei suma Jerusalem-ma woyo, an mba ni yo yeû d’a dur ayîna woi mi. Amul máma mba mi de zla b’leng nga halasa mandjaf suma, mba mi te leud’a gak avun dabid’a handagad’id’a, avun alum ma ngolâ abo hî abo hî mi.

Zakari 9:8

An mba ni kak ndjola huyok azì mana á d’el azigar suma a mba á durîna ki suma a kal kurâ mi. Sama djop vun suma mba mi kal adigazi d’uo d’a, kayam ki tchetchemba, iran nga tinda kaziya.

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Matiye 9:38

Kayam ndata, agi tchenegi Sala awuna, kayam mi sun suma sunda á fet awu mama.

Wana ni Zla d’a Djivi d’a Luc mi b’irita 20:17

Wani Jesus mi golozi baba, mi dazi ala: Zla d’a a b’irit kur mbaktumba hAlonid’a ti de nana ge? Ahina d’a suma djak gonga a gat teid’a, ti mbut ahina d’a djik gonga akulod’a.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

2 Timote 2:4

Azigar ma dur ayîna nga mi tin hurum yam vama blogoma d’i, kayam mi min á le mam ma ngolâ tam djivid’a.

1 Pierre 2:6

Alona mi de woi kur mbaktum mamba ala: An nga ni tin ahina d’a djik gonga kur Siyon; ni vama man ma kal teglesa. Sama he gagazid’a katna, zulona mba mi lum mbi.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

1 Samuel 14:38

Saul mi yi suma nglo suma avok sumina pet gevemu, mi dazi ala: Agi halagi ad’ud’a djiviya, wagi ad’u tcho d’a a lat ini ndata.