Zakari 10:11 - Bible azumeina

¹¹ A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.

Zakari 10:11 Iomraidhean Croise

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

2 Amuleina 2:14

Mi yo baru d’a ngol ndata, mi wat ki mbiyo aluma, mi er ad’um akulo ala: Ma didina Alona hi Elie-na, mi nga ni lara ge? Ata yi máma mi wat mbiyo aluma. Aluma mi wal lei aduk mbà, mam djak abo hî.

2 Amuleina 2:8

Elie mi yo baru mam mba ngola, mi d’ud’ud’u, mi wat ki mbiyo aluma. Aluma mi wal lei aduk mbà, azi djak a djak sä woi abo hî kasezi sod’a.

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Sawal la giled’a 114:3

Alum ma ngol ma Tchereuna mi waziya, mi ringâ, alum ma Jurdê-na mi gid’eî woi bugol mi.

Sawal la giled’a 114:5

Ang alum ma ngol ma Tchereuna, ni kayam me ba, ang ring nge? Ang alum ma Jurdê-na, ni kayam me ba, ang gid’eî woi bugol ge?

Isai 14:25

An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 19:16

Kur bur máma Ezipte-na a mba mbut ni d’igi aropma na, a mba zlaga, a mba le mandarâ ata yima a mba gol Ma didin ma ad’engêm kal petna mi hlabom kam akulo á ngobozina.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 44:27

An nga ni de mi mbiyo ma galileina ala: Ang so woyo, an nga ni song mbiyong ngeyo.

Isai 51:10

Ni ang ba, so alum ma ngolâ ki mbiyo ma ngol ma d’id’ilima d’uo zu? Ni ang ba, ge lovota kur galileina halum ma ngolîna yam suma ang wurak kazina á djak ki woi d’uo zu?

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Ezekiyel 30:13

Salad’a Ma didina mi dala: An mba ni dap fileina woyo, an mba ni yo alo ma ka zla ma kur Nof-fâ woyo, a mba fe sama te yam ambas sa Ezipte-d’ina d’uo d’a, an mba ni mbut suma kur ambas sa Ezipte-d’ina mandarâ.

Sofoni 2:13

Ma didina mba mi hlabom akulo á ngop suma abo ma norâ, mba mi dap suma Asiri-na woyo, mba mi mbut azì ma ngol ma Ninif-fâ djona, mba mi mbud’um hur ful ma so ma gangrasâ.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.