Zakari 1:20 - Bible azumeina

²⁰ Bugola, Ma didina mi tagan suma tchafa fid’i.

Zakari 1:20 Iomraidhean Croise

Nehemi 9:27

Ni kayam ndata ba, ang arazi abo mazi suma djangûna, a lazi ndaka. Wani ata yima azi nga kur ndakina, a tchi kangû, ang tang humuzï akulo dei. Yam we hohou mang nga ngola, ang hazi suma a prud’uzi woi abo mazi suma djangûnina.

Isai 44:12

Sama tchafa nga mi hle lomba. Nga mi le sunda ki kiwilâ, nga mi min fileina kabo tchafa, nga mi le sunda kad’engêmu, wani meid’a nga d’i tchumu, ad’engêm nga d’i. Le mi tche nga mbina d’uo ni, mi seî ni seyâ.

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Gat ta a hat á mbàd’id’a 33:25

Ar kawei mang ma avun agre’îna mi ka’î kawei ma wurana d’oze ma hleuna! Ar ang ka’î sama ad’engâ ki kak mang nga ki irang ka hî yam andagad’id’a pet!

Suma ka sariyad’a 11:16

Kid’a Israel-lâ a buzugï woi avo Ezipte-d’a, a tit ni hur fulâ gak a mba avun alum ma ngol ma Tchereuna, gak a mba Kades.

Suma ka sariyad’a 11:18

Bugola, a hle lovot ta hur fulîd’a, a ngui woi gen ambas sa Edom-mba ki d’a Mowap-pa, a mbeï abo ma yorogona hambas sa Mowap-pina, a ve kangâ sä abo alum ma Arnon-na woi hî bei kal yam andagad’a hi suma Mowap-mid’a ba, kayam alum ma Arnon-na ni hagad’a hi suma Mowap-mid’a.

1 Samuel 12:11

Ata yi máma Ma didina mi sunï Zedeyon, Bedan, Jefte ki an tan Samuel á pad’agi woi abo magi suma djangû suma a nguyugina. Ni kayam ndata ba, agi kagagi ki halasa kur ambas ndata wana.