Vama ndum mbeina 8:3 - Bible azumeina

³ Malaika ma dingâ mi mba, mi tchol nga ata yima ngal dubang ma his djivid’ina. Mi nga kangal la lora abomu. A hum dubang ma his djivid’ina ngola, kayam mi hum zlapa ki tchenda hi suma hAlonid’a pet ata yima ngal dubang ma his djivid’a ma lor ma nga avok zlam mba amulina.

Vama ndum mbeina 8:3 Iomraidhean Croise

1 Amuleina 7:50

Yima mbus abona teteng nga mangas sa a min ki lalambid’a, tazana, kopma ki yima a ngal ahlena kuana, mi lazi ni ki lora bei zozota ba d’a; Kawei ma a nik bapma kuana mi lumî ki lora, mi ni yam vun gong nga krovo d’a a kal ki ata yima a tinim iram vam ma kal teglesîna, mi ni yam vun gong nga a kal ki klavi kur gong nga kud’orid’a mi.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Buzuk ka Abud’a 40:26

Mi tin yima ngal dubang ma his djivid’a ma lora kur zlub’u d’a ngaf tad’a avok baru d’a ka ira d’ar.

Isai 6:6

Ma dingâ tu aduk serafêna mi pirî gevenu. Mi nga ki gordjo ma mi mbogomî yam yima ngal dubang ma his djivid’a ki madeunina nga abomu.

Ezekiyel 41:22

vama ngal dubang ma his djivid’a ma a lum kagunina na. Fiyagam mba akulod’a ni metred’a tu ki nusa, bubuwamî metred’a tu mi, kengêma kad’um mba ged’a pet ni kaguna. A minim abom ma fid’ina ni kagu ma bebed’ena mi. Sa máma mi dan ala: Va máma ni tabul ma a tinim iram vam avok Ma didinina.

Amos 9:1

An we Salad’a mi nga tchola yam yima ngal ahle suma ngat buzuna, mi dala: Agi tumugi agu ma murgulina yam mba djumba, ar agu ma avun gong nga kud’orina mi giged’a! An mba ni kuzuzi yazi woi pet; ad’uzi d’a ara, an mba ni tchazi woyo. Sa tu pî mba mi ndak á ring ngi, sa mba mi sut tu d’uo mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Ndumba 4:11

A bar baru d’a botlozid’a yam yima ngal dubang ma his djivid’a ma a gulud’um ki lorina, a d’ud’um ki baru ma duburok ma a lum ki bak azar ma aduk mbina kä ma a yum ala dofênina, a nik agu mam ma murgulina ata b’alangâ.

Wana ni Zla d’a Djivi d’a Luc mi b’irita 1:10

Ablau suma a nga tchen Alona abu ata yima mam nga mi ngal dubang ma his djivid’ina.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Hebre-na 9:4

Kur yi máma, vama a minim ki lora á ngal mbul ma his ma afufuînina ki zanduk ma Alona mi djin vunam kam ma a gulud’um ki lorina a nga kua. Dei ma lor ma manna kuruma ki totogod’a hi Aron nda d’ufa kahina d’a bebed’e d’a tchet ta mbà d’a Alona mi b’ir vun ma he mama kuad’a a nga kua mi.

Vama ndum mbeina 10:1

An gol malaika ma ad’engâ mi tcholï akulo mi tchugï asem kä. D’ugula ti kulubumu, vir ma b’al alona mi nga kam mi. Iram mba gola ni d’igi afata na, asemî d’igi kawei ma murguli ma a gum aduk akud’ina na.

Vama ndum mbeina 14:18

Malaika ma ding ma nga kad’enga yam akud’ina, mi ndeï ata yima ngal dubang ma his djivid’ina. Mi de ki delem akulo mi mam ma nga ki mbaragum mba tena aboma ala: Ang tin mbaragum manga, ang ngat vud’a guguzlu d’a yam andagad’id’a, kayam ti ne wa da’.

Vama ndum mbeina 5:8

Ata yima mi hle mbaktum ndatina, ahle suma ari suma fid’i ndazina ki suma nglo suma dok mbà yam fid’i ndazina, a grif kä avok Gor timi máma. Nge nge pî adigazi nga ki adingâ abom ki angulei suma wulak suma a nga oîd’a kahle suma his suma afufuînina, nala ni tchenda hi suma hAlonina.

Vama ndum mbeina 6:9

Ata yima Gor timina mi hô dubang ma vahlâ woina, an we suma a tchazi yam zlad’a hAlona suma a le glangâs mazi ma d’engzengîna. Azi nga kä ad’u yima ngal dubang ma his djivid’ina.

Vama ndum mbeina 7:2

An we malaika ma dingâ mi djagï akulo abo ma yorogona, mi nga ki geuna hAlo ma arina abomu. Mi de ki delem akulo mi malaika suma fid’i suma a hazi ad’enga á b’lak andagad’a kalum ma ngolâ woina ala:

Vama ndum mbeina 8:4

Andosâ hi dubang ma his djivid’a ma malaikana mi ngalama mi i akulo avok Alona zlapa ki tchenda hi suma hAloninid’a.

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.

Vama ndum mbeina 9:13

Malaika ma karagayana, mi bu adif mamba. An hum dela ti tcholï ata keng yima ngal dubang ma his djivid’a ma lor ma nga avok Alonina.