Vama ndum mbeina 8:12 - Bible azumeina

¹² Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.

Vama ndum mbeina 8:12 Iomraidhean Croise

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Joel 2:10

Andagad’a nga d’i yir avoroziya, akulod’a nga d’i giged’a, afata ki tilâ a mbut nduvunda, tchitchiud’a nga d’i wile d’uo mi.

Vama ndum mbeina 6:12

Ata yima Gor timina mi hô dubang ma karagayana woina, an gol andagad’a ti yir gigidji, afata ti mbut wurad’a d’igi baru d’a dodora na, tilâ mi mbut hleud’a d’igi buzuna na mi.

Vama ndum mbeina 9:18

Ahle suma tcho suma hindi ndazina a tchi abo suma a walazi aduk hindina abozi ma tuna woi kakud’a kandosâ ki sufred’a suma a buzuk kei avun akulumeinina.

Vama ndum mbeina 9:15

Mi but malaika suma fid’i ndazina. A minizi wa yam ler ndata, yam bur máma, yam til máma, yam biza ndata mi, kayam azi tchi suma a walazi aduk hindina abozi ma tuna woyo.

Marik 13:24

Jesus mi had’azi kua ala: Wani kur bur máma, bugol ndak ndata, afata mba d’i mbut nduvunda, tilâ mba mi b’o d’uo,

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Joel 3:15

Afata ki tilâ a mbut nduvunda, tchitchiud’a nga d’i wile d’uo mi.

Vama ndum mbeina 12:4

Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

Wana ni Zla d’a Djivi d’a Luc mi b’irita 21:25

Jesus mi had’azi kua ala: Suma a mba wahle suma simata nata afata azi ki tilâ ki tchitchiud’a. Yam andagad’a ka hî, andjaf suma a mba fe ndaka, a mba tcha tata abo siwela halum ma ngolîd’a, abo abil ma ngolâ mi.

Marik 15:33

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Jeremi 4:23

An gol andagad’a yat ti ni hawa kikid’ik, akulod’a b’o mata nga d’uo mi.

Sunda hi suma a sunuzinid’a 2:20

Afata mba d’i mbut nduvunda, tilâ mba mi mbut hleud’a d’igi buzuna na avok mbad’a hi burâ hi Ma didinina, ni bur ma ngol ma subura.

Amos 8:9

Salad’a Ma didina mi dala: An mba ni nik afata falei d’ad’ar, an mba ni mbut andagad’a nduvunda falei mi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Vama ndum mbeina 16:10

Malaika ma vahlâ, mi vo mama yam zlamba hambur mámid’a. Leu mamba ti mbut nduvunda, suma a nga et sinazi abo pupuluka.