Biblia Todo Logo
Bìoball air-loidhne

- Sanasan -




Vama ndum mbeina 4:6 - Bible azumeina

6 Vana nga avok zlam ndata d’igi alum ma ngol ma ngal tchitchilingâ na, mi wile d’igi kristal na. Ata yi máma na wat, ahle suma ari suma fid’i suma a nga ki ira avorozi mi blogozi mi na, a ngui zlam ndata kä.

Faic an caibideil Dèan lethbhreac




Vama ndum mbeina 4:6
25 Iomraidhean Croise  

Hiram mi yor hal ma ngol ma kawei ma hleuna ngungul; bubuwamî metred’a vahl, fiyagam mba akulod’a ni metred’a mbà ki nusa, vunam ma dalal ma nguid’a ni metred’a dogo yam vahl mi.


Mi min hal ma ngol ma mbusa kad’um mba kä d’a pet ni ki kawei ma hleuna. Mi lum hina pet ni ki kotroma harop suma a nga tok avun zlub’u d’a ngaf tad’ina.


Tcherebêna hliwizi pet, nala, huyogoziya, aboziya, ki gigingâziya, a ni oîd’a ki ira. Pusâ abom ma fid’ina pî mi ni oîd’a ki ira nguid’a woi d’uhl mi.


Tcherebê ma lara pî iramî fifid’i. Ma avo’â iram hle tat ni d’igi ir tcherebêna na, ma mbàna iram hle tat ni d’igi ir sana na, ma hindina iram hle tat ni d’igi ir azlona na, ma fid’ina iram hle tat ni d’igi ir b’aruna na mi.


Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.


An we vana d’igi alum ma ngol ma ngal tchitchilingâ na, gizeîd’a kakud’a. An we suma a kus ayîna yam ambur máma, yam vama a yorom d’igi mam na na yam nomrod’a hi simiyêmbina mi. Azi nga tchola avun alum ma ngol ma ngal tchitchiling máma. Ading ma Alona mi hazizina mi nga abozi mi.


Ma dingâ tu aduk ahle suma ari suma fid’ina, mi he malaika suma kid’iziya ndazina kop ma kid’iziya ma lor ma nga oîd’a kayîna hAlo ma ari ma gak didinina.


Suma nglo suma dok mbà yam fid’ina kahle suma ari suma fid’ina a grif kä á kud’or Alo ma nga kaka yam zlam mba amulina, a dala: Amin! Aleluya!


Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.


Gulumun máma a minimî ki jasped’a, a min azì máma tamba ni ki lor ra ngal tchitchiling d’igi kotroma na d’a.


Vunazi ma dogo yam mbàna, mi nga ki hed’euna dogo yam mbà. Vun ma lara pî mi nga ki hed’eu ma ngal tchitchilingâ. Ir palumba hazì mámid’a ni ki lor ra ngal tchitchiling d’igi kotroma na d’a mi.


Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,


Zlam mba amul ndata nga nguid’a ki zlam mba dinga dok mbà yam fid’i. Suma nglona dok mbà yam fid’i a nga kaka yam zlumiyô ndazina ki baru d’a hapa ataziya, avaval la lora nga kazi mi.


An gola! An hum dela hi malaika suma ablau suma bubup dogo suma a ndak á ndumba d’uo na. Azi ngui zlam mba amula kä kahle suma ari suma fid’i ndazina ki suma nglona mi.


Ahle suma ari suma fid’ina a dala: Amin! Suma nglona a grif kä, a kud’urom mi.


An we Gor timi ma hle tamî d’igi ma tchuma na na mi nga tchola aduk zlam mba amula kahle suma ari suma fid’ina ki suma nglona. Mi nga kadifa kid’iziya ki ira kid’iziya mi, azi ni muzuk ma kid’iziya ma hAlona ma mi sunum mbei yam andagad’a petna.


Ata yima mi hle mbaktum ndatina, ahle suma ari suma fid’i ndazina ki suma nglo suma dok mbà yam fid’i ndazina, a grif kä avok Gor timi máma. Nge nge pî adigazi nga ki adingâ abom ki angulei suma wulak suma a nga oîd’a kahle suma his suma afufuînina, nala ni tchenda hi suma hAlonina.


An we Gor timina mi hô dubang ma avok ma kid’iziyana woyo. Aduk ahle suma ari suma fid’ina, an hum dela hi ma dingâ tu nga d’i siwel d’igi breîd’a halonid’a na ala: Ang mbeya!


An hum dela d’igi hi ma aduk ahle suma ari suma fid’i ndazina na, mi dala: Ang nga gemena angota tu ndak yam wurak ka yam sun nda bur ma tunid’a, ang nga awu orsâ angota hindi ndak yam wurak ka yam sun nda bur ma tunid’a mi. Wani ang b’lak mbulâ ki süm guguzlud’a woi d’i.


Malaikana pet a nga tchola a ngui zlam mba amula kä ki suma nglona kahle suma ari suma fid’ina. A grif kä ki irazi avok zlam mba amula, a kud’or Alona,


Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.


Lean sinn:

Sanasan


Sanasan