Vama ndum mbeina 3:8 - Bible azumeina

⁸ An wahlena pet suma ang nga lazina, an we ad’engêng nga nde, ang nga ge yang kä ad’u zla manda, angî sama d’engzengâ mi. Kayam ndata, an mal vun gonga woi avorongû, sama ndak á dugutna nga d’i.

Vama ndum mbeina 3:8 Iomraidhean Croise

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Daniel 11:34

Ata yima azi nga kur ndakina, a mba fe ndjunda hina nde, suma ablaud’a a mba zlap ki sed’ezi á mbut ira mi.

Wana ni Zla d’a Djivi d’a Luc mi b’irita 12:9

Wani sama mi tin vunam kan avok sumina, an Gor Sana mba ni tin vunan kam avok malaikana hAlonina ala an wum nga d’uo mi.

Jean 15:20

Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

1 Korente-na 16:9

kayam Alona mi mal lovota avoron á lum sunda ngola, wani suma djangûna a nga ablaud’a mi.

2 Korente-na 2:12

Kid’a an mba avo Trowas á tchi wal Zla d’a Djivid’a hi Christ-sid’a, Salad’a mi mal lovota avoron á le sunda ngola.

Filip-ma 4:13

An ndak á lahlena pet yam ad’eng nga Christ mi handjid’a.

Kolos-sâ 4:3

Ar agi tchenegi Alona kami mi kayam mi malami lovota á tchami wal zla ndata, á vami ad’u zla d’a mudurid’a hi Christ-sa woi abu mi. Ni kat ba, a gan dangeina.

1 Timote 5:8

Wani le sana nga mi ngom simiyêm mbuo, kal pet le nga mi he tena mi suma avo hatama d’uo mi ni, mi noî ni he gagazid’a woyo, tcho mamba kal ma bei he gagazid’ina.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

Vama ndum mbeina 2:13

An we yi mang ma kaka, ni yima zlamba hi Seitan-nid’a ti nga tinda kuana. An we ang nga ve tang ad’enga kanu, ang tin nga vunang yam he gagazi d’a ang hat kan kur bur ma a tchi Antipas man ma glangâs ma d’engzengâ adigagi ata yima Seitan mi nga kaka kuana d’i.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.

Vama ndum mbeina 22:7

Jesus mi dala: Agi humugiya! An nga ni mba ka tchetchem. Suma a ge yazi kä ad’u zla d’a djok vun Alona d’a a nga djogot tei kur mbaktum ndatid’ina, a le furîd’a.

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

Vama ndum mbeina 3:15

An wahlena pet suma ang lazina. An we ang nga ab’lenga d’uo mi na, ang nga akud’a d’uo mi. An min ang ka’î ab’lenga d’oze akud’a.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: