Vama ndum mbeina 13:2 - Bible azumeina

² Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.

Vama ndum mbeina 13:2 Iomraidhean Croise

2 Amuleina 2:24

Mi mbut iram mi goloziya, mi gazi vuna ki simiyê Ma didina. Ata yi máma amburei suma arop suma a yazi ala ursâ-na mbà, a buzugï aduk agud’a, a mba vik gugureina dok fid’i yam mbà adigaziya, a kizagazi woi mbambak.

Sawal la giled’a 22:21

Ang sud’un ndei avun mbuguyo mazi suma fuyogeina, ang sud’un ndei avun adurei ndazina,

Zla d’a d’ogolâ 17:12

Hotei ang ngaf kambur ma a yum ala urs ma a yom gromina, kal la ang ngaf ki sama lilid’a kur sun mam mba lilid’id’a.

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Amos 3:12

Gola! Ma didina mi dala: A mba sut Israel suma a nga kaka kä Samari yam azangâ ki tapi ma djifîna, ni d’igi ma pola mi prut asema mbà d’oze abo humba avun azlona na.

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!

Habakuk 1:8

Akulumei mazina a djang kal bolina, ayî mazina kal ngû ma meid’a nga d’i tchum fladegena. Suma djang akulumei mazina a tcholï nata yima deina, a nga pir akulo, a pirî d’igi b’aru ma sir asem kä á ve vanina na.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

Vama ndum mbeina 12:13

Ata yima dragona mi wala a gumï kä woi yam andagad’a da na, mi nde mi ring ad’u atcha d’a vut gor mandjufîd’a.

Vama ndum mbeina 12:15

Wani gugui máma mi vo mbiyo ma avunama d’igi aluma na bugol atcha ndata, kayam abilâ mi id’u.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:12

Nga mi lahlena pet avok ambur máma kad’enga hambur ma avok mamid’a mi. Nga mi le suma yam andagad’ina kad’enga á kud’or ambur ma avok ma mbil mam ma matna mi ndak á tchum ba wani mi tchilâ.

Vama ndum mbeina 13:4

Suma duniyad’a pet a nde kud’or dragon máma kayam mam had’eng mamba mambur máma, a kud’or ambur máma mi. A dala: Ni nge mi hle tam d’igi ambur máma na ge? Ni nge ndak á dur ayîna ki sed’em ge?

Vama ndum mbeina 16:10

Malaika ma vahlâ, mi vo mama yam zlamba hambur mámid’a. Leu mamba ti mbut nduvunda, suma a nga et sinazi abo pupuluka.

Vama ndum mbeina 17:12

Adif ma dogo ma ang wuma namulei suma dogo suma a nga bei tin ad’ud’a á te yamba tua na. Wani azi mba fad’enga á te yamba zlapa kambur máma lera tu.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 2:13

An we yi mang ma kaka, ni yima zlamba hi Seitan-nid’a ti nga tinda kuana. An we ang nga ve tang ad’enga kanu, ang tin nga vunang yam he gagazi d’a ang hat kan kur bur ma a tchi Antipas man ma glangâs ma d’engzengâ adigagi ata yima Seitan mi nga kaka kuana d’i.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.