Vama ndum mbeina 11:2 - Bible azumeina

² Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Vama ndum mbeina 11:2 Iomraidhean Croise

Sawal la giled’a 79:1

Ni sawal la gile d’a Asaf mi hlata. Alo mamina, andjaf suma dingâ a kal wa kur ambas manga, a mbut wa gong mang nga kud’ora ndjendjed’a, a b’lak wa Jerusalem mbei kakazeî mi.

Isai 48:2

Agi suma tagi nga lagi zlezleû ala a yagi ala: Agi ni suma kur azì ma ngol ma a tinim iram vama na, agi suma dengêgi tagi yam Alona hi Israel-lâ ma a yum ala Ma didin ma ad’engêm kal petna na, agi humugiya.

Isai 5:5

Ki tchetchemba an tak vama an mba ni lum ki guguzlu mandina woyo: An mba ni hô kangâ ma katna woyo, an mba ni ar ahlena a tad’u, an mba ni to gulumun ma katna kä woi á bong suma lovota á mired’et kä kaseziya.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.

Ezekiyel 4:6

Le bur máma mi dap wa ni, ang djok burâ yam bigang nga ndjufa, ang mba zi tchod’a hi suma Juda-nid’a gak burâ dok fid’i. Biza d’a lara pî, an mba ni ndumung burâ ngad’a kad’u.

Ezekiyel 42:20

Ni hina ba, mi nga ki gulumun ma ngui gong nga kud’ora hAlonid’a abot ma fid’inina. Gulumun máma mi ngui yina d’uhl, fiyagam ki bubuwamî metred’a kikis mbà yam dok vahl, mi wal yima a tinim iram vam mAlonina woi ki yima hawana mi.

Daniel 12:7

Sama tchuk baru d’a luluîd’a atama, mi yo abom akulo hur alona ki zla tam djak. An hum mi dala: An gun tan ki simiyê Alo ma gak didina. Ahle ndazina a mba le gak bizad’a hindi ki nusa, a mba dap pei ni fata ad’enga hi suma hAlonina mba d’i dap peid’a.

Daniel 7:19

Bugola, an min wad’ud’a yam ambur ma fid’i ma mi nga d’igi ndrom suma hindina na d’uo, ma tcho d’a kal ma siyam d’igi kaweina, na ma lilivim d’igi kawei ma hleuna na, ma mi mut ahlena mi kizagazi woi kikizek mi mired’ezi ad’uzi d’a ara kä kasema.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 8:10

Mi i gak ata ahle suma sä akulona, mi tchugï suma dingâ kä yam andagad’a ki tchitchiu d’a hiud’a mi, mi mired’ezi kä kasemu.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Daniel 8:14

Malaika máma mi hulong dum ala: Gak fladeged’a ki yorogod’a 2300 mi. Bugola, a mba tin gong nga kud’ora hAlonid’a irat vat tin nda dinga kua.

Ndumba 14:34

Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.

Matiye 27:53

A buzuk kei kur zula bugol tchola hi Jesus-d’a, a i kur Jerusalem azì ma ngolâ hAlonina, a tak tazi mablau suma.

Matiye 4:5

Ata yi máma, diable mi im kur azì ma ngolâ hAlonina, mi tinim akulo yam gong nga kud’ora hAlonid’a, mi dum ala:

Matiye 5:13

Jesus mi had’azi kua ala: Agi ni d’igi ndjuvuna hi suma yam andagad’ina na. Le ndjuvuna ayâm pat teyo ni, a mba minim ni ki me ge? Mi ndak á le va d’i, wani a komzi ni woyo; suma a mba mired’em kä kaseziya.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Vama ndum mbeina 11:11

Wani bugol bur ma hindi ki nusina, muzuk ka ari d’a tcholï ata Alonid’a mba d’i kal kuruziya, a hulong tchol akulo. Suma a golozina pet a le mandarâ ngola.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Vama ndum mbeina 12:6

Atcha ndata, ti ring abagei ata yima Alona mi minim katna, kayam mi hat tena burâ dubu yam kikis mbà yam dok karagaya.

Vama ndum mbeina 21:10

Muzu’â hAlonina mi vanu, malaikana mi i ki sed’en akulo yam ahina d’a fiyak ka ked’iwurenga. Mi tagan azì ma ngol ma Alona mi tinim iram vama, ni Jerusalem mba tcholï akulo gen Alona d’a tchugï aset kä d’a.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 22:19

Le sama nga mi pat zla d’a a djogot vunat tei kur mbaktum ndatid’a woyo ni, Alona mba mi d’elem bei te vud’agu ma he arid’ina, mba mi d’elem bei kal kur azì ma ngolâ hAlonina, d’igi a b’ir kur mbaktum ndata na mi.