Wana ni mbaktum mba Paul mi b’irit mi Tit-ta 2:14 - Bible azumeina

¹⁴ Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 2:14 Iomraidhean Croise

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Sawal la giled’a 130:8

Mam mi ma mba mi sud’ugi woi kur tcho magi d’a lara ge petna.

Sawal la giled’a 135:4

Kayam Ma didina mi man Jakob, mi tin Israel mi ka’î mama.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 37:23

Azi mba mbut tazi ndjendjed’a ki filei mazi ma tchet ma ndjendjed’a kandjaf tcho mazi d’a tetenga d’uo d’a. An mba ni prud’uzi woi kur yima lara ge ma azi kak kua ma azi le tchod’a kuana, an mba ni mbud’uzi yed’et. Azi mba ka’î sum mana, an mba ni ka’î Alo mazina mi.

Sunda hi suma hi Levi-nid’a 25:41

Kur biza ndata, mba mi nde woi avo hatang ki groma, mba mi hulong ad’u adezem yam andagad’a hi simiyêmba.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

Ndumba 25:13

Vun ma djin máma mi arî kam kandjavam ma a mba vud’um bugolâ, a mba ka’î suma ngat buzuna gak didin, kayam mam tak yungôr mama woi yam an Alo mama, kayamba mi zlup yam tchod’a hi Israel-lîd’a.

Matiye 1:21

Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Sunda hi suma a sunuzinid’a 15:14

Simon mi vei ad’ud’a ni nana ba, avok Alona mi man suma aduk andjaf suma dingâ á mbud’uzi sum mama ge.

Sunda hi suma a sunuzinid’a 15:9

Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 9:36

Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

Gat ta a hat á mbàd’id’a 26:18

Ma didina mi hlagi vuna ini ala agi mba aragi ni sum mama tata d’igi mi dagi na, agi ngomogi vun mam ma hed’a mi.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

1 Timote 2:10

wani kal pet a le ni sun nda djivid’a d’igi arop suma a nga le mandar Alonina na.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 10:24

Ei djib’erei yam tei á zud’i tei akulokulo á le od’a, á le sun nda djivid’a mi.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.