Wana ni mbaktum mba Paul mi b’irit mi Tit-ta 1:6 - Bible azumeina

⁶ Mbeî ma ngol ma gol Toka ni ma bei zlad’a kama, ni ma katchad’a tuna, ni ma groma a he gagazid’ina, ni sama suma bei kal kam yam zla d’a tchod’a d’oze tchilad’a ba na.

Wana ni mbaktum mba Paul mi b’irit mi Tit-ta 1:6 Iomraidhean Croise

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Zla d’a d’ogolâ 28:7

Sama nga mi tit yam gatina ni gor ma wad’ud’a, wani sama nga mi le darigïd’a ki suma batrangîna mi mbut nabum zulona.

Ezekiyel 44:22

Sama lara pî adigazi mi vatcha d’a modonod’a d’oze atcha d’a ndjuvut mi digit teid’a d’i, wani ar mi ve ni gor wei d’a Israel la bei ngaf ki mandjufâ d’oze atcha d’a modonod’a hi ma ngat buzunid’a.

Sunda hi suma hi Levi-nid’a 21:14

Mam mba mi vatcha d’a modonod’a d’i, d’oze d’a ndjuvut mi digit teid’a, d’oze d’a gaulangâ, d’oze d’a mbut tat zulonid’a d’i, wani mba mi ve ni gor wei d’a aduk sum mamid’a ba atchad’a.

Sunda hi suma hi Levi-nid’a 21:7

Ar azi vatcha d’a gaulang ngi, d’oze d’a mbut tat zulonid’a d’uo mi. Ar azi vatcha d’a a digit teid’a d’i, kayam ma ngat buzuna ni sama yed’etna yam an Alo mama.

Malatchi 2:15

NAlona ba, mi mbud’ugi hliu ma tuna ki muzuk ma tuna d’uo zu? Ni kayam me ba, mi le hina ge? Kayam agi vud’ugi gro suma d’ingêrâ mAlona. Agi gologi tagi djiviya! Ar sa adigagi mi wal lei kamam mba azonga d’i.

Wana ni Zla d’a Djivi d’a Luc mi b’irita 1:5

Kur atchogoi d’a Herot namul ma ngolâ yam ambas sa Jude-d’id’a, ma ngat buzuna mi nga, simiyêm ala Zakari. Mam nad’u ades ma ngat buzuna hi Abiya-na. Amamba simiyêt ala Elizabet. Ndat nad’u andjafâ hi Aron ma ngol ma ngat buzunina mi.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

1 Timote 1:9

Ei wei ala a tin gata ni yam suma d’ingêrâ d’i, wani ni yam suma tchila yam gatina, yam suma bei ge yazi kä na, yam suma asa’atna, yam suma tchona, yam suma bei hum vun Alonina, yam suma bei djib’er yam Alonina, yam suma tchabuyozi kasuyozina, yam suma tchi matna,

1 Timote 3:12

Sama le sunda mi Tokina, mbeî ni sama nga katchad’a tuna, ni sama ndak á d’op groma djivid’a kaziyam djivid’ina mi.

Wana ni mbaktum mba Paul mi b’irit mi Tit-ta 1:10

Suma tchila yam gata a nga ablaud’a, ni suma bei hum vuna, ni suma lop suma ki zla mazi d’a de d’a hawa yakina. Ablawazi ni Juif suma a mbut huruzina.

1 Samuel 2:11

Bugol ahle ndazina, Elkana mi hulong avo hatam Rama, wani goroma Samuel mi ar sä avo Silo á le sunda mi Ma didina abo ma ngat buzuna Eli.

1 Samuel 2:22

Eli mi mbut mamara ngola. Ata yima mi hum ala groma a nga le tchod’a hina hina ki Israel-lâ, a nga bur karop suma a nga le sunda avun zlub’ud’a hAlonid’ina mi na,