Suma ka sariyad’a 9:15 - Bible azumeina

¹⁵ Wani aweid’a ti de maguna ala: Le agi minin-ngi ni ki hur ma tuna á tinin amula kagiya ni, agi mbeï ngeyegi ad’u anguzanu. Le d’uo ni, akud’a mba d’i tcholï ngala aduk aweid’a, mba d’i ngal agu sedre ma Liban-na woyo!

Suma ka sariyad’a 9:15 Iomraidhean Croise

2 Amuleina 14:9

Jowas amul ma Israel-lâ mi ge sunda ata Amasiya amul ma Juda-na, mi dum ala: Bur tu awei d’a Liban-nda, ti ge sunda ata agu sedre ma Liban-na, ti dum ala: Ar an ve goronga mi gorona atchad’a. Wani ambur ma abagei ma Liban-na mi kal tita, mi miret awei ndata kä!

Sawal la giled’a 104:16

Ma didina, agu mang ma nglona, mbina ndagamu; agu sedre ma Liban ma ang puma, mbina ndagam mi.

Sawal la giled’a 29:5

dela hi Ma didinid’a nga d’i kus agu sedrena woyo, agu sedre ma Liban-na tam pî, ti kuzum mbeyo.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 2:13

Mam mba mi kak djangûna kagu sedre ma Liban ma fuyogei ma akulo dedeina, kagu sen ma Basan-na,

Isai 30:2

Agi nga igi akoid’a Ezipte bei djobon ndi ba á halagi yima ngeid’a ata Faron, á halagi yima kaka ad’u anguzu Ezipte mi.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Hor ma tchina 4:20

Ma ei nga ki arid’a kama, ni ma Ma didina mi manam mi tinim amulina, ni mam ba, ei nga dei kam ala ei nga ni kaka ad’u anguzumu, ei mba kagei aduk andjaf suma kamu na, gola, a vum wa ki dau mazina!

Ezekiyel 19:14

Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

Ezekiyel 31:3

Gola! Suma Asiri-na ni d’igi agu sedre ma Liban ma abom mi djif heî ma d’ufa gugulî ma wul fiyaka gak yam mbi do d’ugulina na.

Daniel 4:12

Humam mbi d’uf djifâ heî, mi vut duhû mi. Nga ni he tena mi suma pet. Ahle suma abageina a nga kaka ad’u anguzumu, aluwei suma akulona a nga kaka ata abomu. Ahle suma arina pet a fe te mazina atamu.

Wana ni mbaktumba hi Oze-d’a 14:7

Sum mana a mba hulongî a mba kak ad’u anguzunu, a mba zum gemena, a mba tchuk grona d’igi guguzlud’a na, simiyêzi mba mi nde yina d’igi süm guguzlu d’a Liban-nda na.

Ndumba 21:28

Kayam akud’a ti ndeï Hesbon, sinat nga d’i trâ azì ma ngolâ hi Sihon-na, ti ngal azì ma Ar-Mowap-ma woi ki suliyom suma yam yima nding ma halum ma Arnon-na woi mi.

Matiye 13:32

Iram mbi gugureid’a kal ir ahlena pet, wani ata yima mi wul ngolina, mi mbut d’igi aguna na, gak aluweina a mba kak ata abomu, a min aziyazi kua mi.

Suma ka sariyad’a 9:14

Bugola, aguna ki zla tam pet mi de maweid’a ala: Ndak mbeï tamula kamiya!

Suma ka sariyad’a 9:16

Ki tchetchemba, agi lagi ni sunda ki hur ma tuna ki gagazid’a ba, agi tinigi Abimelek amula wan zu? Agi lagi ni djivid’a mi Jerubäl ki sum mama wan zu? Agi lagi ni sunda ndak yam sun nda mam lata wana zu?

Suma ka sariyad’a 9:20

Wani le hina d’uo ni, ar akud’a ti ndeï ata Abimelek, ti ngal suma Sikem-ma ki suma avo Milo-na, ti ngal Abimelek kei mi.

Suma ka sariyad’a 9:44

Abimelek kades suma a nga ki sed’ema a i ndjar avun azina. Ades suma a ar mbàna, a ndja abozi yam suma a nga abageina, a tchaziya.

Suma ka sariyad’a 9:49

Suma pet nge nge pî mi ka abo aguna abomu, a i ad’u Abimelek. A i tchuk abo agu máma kä avun zul ndata, a ngal suma a nga kur zul ndatina woyo. Ni hina ba, a tchi suma Sikem suma a nga kaka kur gong nga fiyak ka ngol la ndjolina woyo. Suma ablawazi pet, andjofâ karopma a ni go ki dubu.