Suma ka sariyad’a 8:27 - Bible azumeina

²⁷ Zedeyon mi yo fileina ki ngangam ma lor máma, mi tinim kur aziyam avo Ofra. Israel-lâ pet a nga mba, a kud’or filei máma, mi mbut ni dauna yam Zedeyon ki sum mama mi.

Suma ka sariyad’a 8:27 Iomraidhean Croise

Sawal la giled’a 106:35

wani azi zlap tu ki sed’eziya, a nga hat sun mazi d’a azi lata mi.

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Sawal la giled’a 73:27

Gola! Suma a wal lei dei ki sed’engâ a mba ba woyo, suma a arang ngei suma a nga tit d’ingêr avorong nguo na, ang mba b’lagazi woyo.

Buzuk ka Abud’a 23:33

Agi arazi a kak yam ambas magid’a tala agi mbud’ugi suma le tchod’a á kak djangûna ki an Alona d’a d’i. Le agi kud’urogi alo mazina ni, mam mba mi mbut ni dau ma vagina.

Buzuk ka Abud’a 32:4

Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Gat ta a hat á mbàd’id’a 7:16

Agi mba dabagi suma pet suma Ma didina Alo magina mba mi hagizi abogina bei wazi hohowozi ba. Agi kud’urogi alo mazina d’i, kayam ni mam ba, mba mi mbut dau ma vagina.

Gat ta a hat á mbàd’id’a 7:25

Agi ngalagi filei mazi ma a tched’em d’igi alona na na woyo, agi lagi d’od’oka yam kawei ma hapma ki lor ra a gulud’uzi ki d’a tala agi yozi yo ba á mbut dau ma vigigina d’a d’i. Kayam ahle ndazina nahle suma ndjendjed’a ir Ma didina Alo magina.

Suma ka sariyad’a 17:5

Ni hina ba, Mika mi nga ki gong nga kud’ora avo hatamu. Mi yor filei ma a yum ala efona ki ma a yum ala terafima. Mi tin gorom ma dingâ á lum sun nda ngat buzuna.

Suma ka sariyad’a 18:14

Ata yi máma suma vahl suma a i á d’u ambas sa Layis-sina a de zlad’a mi b’oziyozina ala: Agi wagi nga ala kur azì ma wana filei ma a yum ala efona ki ma a yum ala terafima kagu ma tcheta ki ma a gulud’um ki kaweina mi na a nga kua mi d’uo zu? Ni zla magid’a á wagi vama agi luma.

Suma ka sariyad’a 18:17

Kid’a ma ngat buzuna mi nga tchola woi abu avun agre’â ki suma kikisa karagaya suma a nga kahle suma dur ayî mazina abozinid’a, suma vahl suma a i á d’u ambasina a kal avo, a hlägu ma tcheta ki filei ma a yum ala efona ki ma a yum ala terafima kagu ma tchet ma a gulud’um ki kawei ma yorina mi.

Suma ka sariyad’a 2:2

Wani an hagi vuna ala: Ar agi djinigi vunagi ki suma kur ambas sa wandina d’i, agi pleyêgi yi mazi ma teteng ma ngal ahle suma ngat buzuna woyo. Wani agi humun nga vunan ndi. Ni kayam me ba, agi lagi hina ge?

Suma ka sariyad’a 2:3

Kayam ndata, an nga ni dagiya, an mba ni digizi woi avorogi d’i. Azi mba kak ki sed’egiya, alo mazina mba mi mbut ni dau ma vigigina.

Suma ka sariyad’a 6:11

Malaikana hi Ma didinina mba mi kak ad’u agu sena hi Jowas ma ad’u adesâ hi Abiyezer-râ avo Ofra. Goroma Zedeyon mi nga mi to awuna ata yima a miret guguzlud’a kuana á ngeyem abo suma Madiyan-na.

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.

Suma ka sariyad’a 8:26

Ngangam ma lor ma Zedeyon mi tchenema, a negem ndak ir kilona dok mbà bei ndum ahle suma kel sumina ki ngangam ma humba ki baru d’a djif fa hleu d’a amulei suma Madiyan-na a tchuguta, bei ndum ahle suma djif suma kel djambal mazid’ina ba mi.

Suma ka sariyad’a 8:28

Suma Madiyan-na a hulong yazi kä avok Israel-lâ, a nga hle yazi akulo d’uo d’a. Kid’a Zedeyon mi nga ki iramba, ambasa ti kak ki b’leng nga halasa gak bizad’a dok fid’i.