Suma ka sariyad’a 8:10 - Bible azumeina

¹⁰ Wani Zeba azi ki Salmuna a nga Karkor ki azigar mazina go ki 15.000. Azi pet ni azigar suma a ar hi suma a nga kaka abo ma yorogonina. Suma 120.000, a tchazi woi da’.

Suma ka sariyad’a 8:10 Iomraidhean Croise

2 Amuleina 3:26

Ata yima amul ma Mowap-ma mi wala ayî máma kal kamu d’a, mi tok azigar suma a dur ki mbigeu d’a fiyakina kikis kid’iziya á ge lovota á famul ma Edom-ma, wani azi ndak ki.

2 Sunda Hamuleinid’a 13:17

Abiya ki sum mama a kus kazi kus sa ngola, a tchi suma gangrang suma dur ayîna aduk Israel-lâ suma 500.000.

2 Sunda Hamuleinid’a 28:6

Kur bur ma tuna Peka Remaliya goroma amul ma Israel-lâ, mi tchi azigar suma gangrangâ aduk suma Juda-na 120.000, kayam azi ar Ma didina Alona habuyozi ngolona woyo.

2 Sunda Hamuleinid’a 28:8

Israel-lâ a yo suma aduk b’oziyozina 200.000, nala, aropma, gro andjofâ ki gro aropma, a hurum ahlena ngola, a i ki sed’ezi Samari.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Suma ka sariyad’a 20:15

Ablau suma hi Benjamin suma a buzugï kur azì mazi ma nglona a ndumuzina, a ni 26.000, ni suma ki mbigeu d’a fiyakina mi bei ndum suma Gibeya suma dingaû suma kikisa kid’iziyana ba.

Suma ka sariyad’a 20:17

A ndum Israel-lâ bei ndum suma hi Benjamin-na ba, a ni 400.000, ni suma ki mbigeu d’a fiyaka abozina pet, ni suma dur ayîna mi.

Suma ka sariyad’a 20:2

Suma avok sumina pet kandjafâ hi Israel-lâ pet a i toka hi suma hAlonid’ina. Suma mayâ suma ki mbigeu d’a fiyaka abozina, a ni 400.000.

Suma ka sariyad’a 20:25

Kur bur máma suma hi Benjamin-na a buzugï woi avo Gibeya á ngavaziya, a tchi Israel suma nga ki mbigeu d’a fiyakina kua 18.000.

Suma ka sariyad’a 20:35

Ma didina mi tchi suma hi Benjamin-na woi avok Israel-lâ. Israel-lâ a tchi suma hi Benjamin-na kur bur máma ni 25.100 mi. Azi pet ni suma mbigeu d’a fiyaka abozina.

Suma ka sariyad’a 20:46

Ablau suma hi Benjamin suma a tchazi kur bur mámina ni suma 25.000. Azi pet ni suma gangrang suma a nga ki mbigeu d’a fiyaka abozina.

Suma ka sariyad’a 6:5

Ata yima a nga mbana, a mba ni ki d’uwar mazina ki zlub’u mazid’a, a mba nablaud’a d’igi djera na, a ndak nga á ndum mbi. A mba ni ki djambal mazid’a á b’lak ahle suma yam ambasina.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

Suma ka sariyad’a 7:13

Zedeyon mi mbaza avun kang ma avo’â. Gol wani, sama Madiyan-na nga väd’u adïd’a mi ndrama ala: Adïd’a danu. An wavungôna hawu ors ma haûd’a mi ligad’ï kä kur kang meina gak mi mba mi dap zlub’ud’a ti puk kä, mi kuzut zondolâ, mi kulubut kä mi.

Suma ka sariyad’a 7:22

Suma kikis hindina a bu aduveina. Ma didina mi mbut suma kur kangîna irazi ir taziya; a nde tchi taziya. Suma kur kangîna a wet ringâ gak a mbaza Bet-Sita abo ma ir Serera-na gak a mbaza avun Abel-Mehola go ki Tabat.

Suma ka sariyad’a 8:11

Zedeyon mi hle lovot ta i avo hi suma a nga kaka kur zlub’ud’a abo ma yorogona hi Noba ki Jokbeha-na, mi dur azigar suma a nga kaka kur kang suma a djib’er ala vama lazi ni me ge na.