Suma ka sariyad’a 7:9 - Bible azumeina

⁹ Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.

Suma ka sariyad’a 7:9 Iomraidhean Croise

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

Wana ni mbaktumba hi Job-pa 4:13

Kur djib’er manda vana nde tam mbei iran kur andjeged’a ata yima suma a bur sena sisi’â.

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Matiye 2:13

Kid’a suma ned’a a i dad’a, malaikana hi Salad’ina mi de Josef adïd’a ala: Ang tchola, ang yo gorâ azi kasumu, ang ring yam andaga d’a Ezipte-d’a, ang kak sä kua gak an dangî an tua, kayam Herot nga mi hal gorâ á tchid’a.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

Josue 10:8

Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

Josue 11:6

Ma didina mi de mi Josue ala: Ang lazi mandarazi d’i! Avin aboina hina dedege, an mba ni hangzi abong pet, an mba ni duruzi mbuleina, an mba ni tchazi avok Israel-lâ. Ang mba kazi gigling akulumei mazina, ang mba ngalazi pus mazi ma dur ayîna woi mi.

Josue 2:24

Azi de mi Josue ala: Gagazi, Ma didina mi hei wa ambas ndata aboya; suma kur ambasina pî a nga zlak avorei mi.

Suma ka sariyad’a 20:28

Ni kur atchogoi ndata ba, Fines Elazar gorom ma Aron gorom ngolonina mi nga avok Alona ni mamu. Israel-lâ a djop Ma didina ala: Ami i durumi b’oziyomi suma hi Benjamin-na, d’oze ami vami tami kei zu? Ma didina mi hulong dazi ala: Agi igi ataziya, kayam avin an nga ni hagizi abogiya.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

Suma ka sariyad’a 3:28

Mi dazi ala: Agi mbeyegï blogonu, kayam Ma didina mi hagiya wa Mowap magi suma djangûna abogiya. Azi i blogomu, a hle yima suma a djak alum ma Jurdê-na kasezi kuana abo ma ir Mowap-ma, a nga ar sa á kal li.

Suma ka sariyad’a 7:10

Le ang le mandarâ á i duruziya ni, ang i kazong mangâ Pura avogo.

Suma ka sariyad’a 7:8

A yo ahle suma tena kanduvei suma nga abo ablaud’ina. Zedeyon mi ar Israel-lâ nge nge pî, mi i avo hatamu, mi ar suma kikis hindina kä. Kangâ hi suma Madiyan-nina, mi nga ad’um kä kur hora.

1 Samuel 14:8

Jonatan mi dum ala: Djiviya! Ei ï ata sum ndazina, ei tageizi teya.

1 Samuel 23:4

David mi djop Ma didina kua. Ma didina mi hulong dum ala: Ang tchol i Keila, kayam an hang wa suma Filistê-na abongû.