Suma ka sariyad’a 7:24 - Bible azumeina

²⁴ Zedeyon mi ge sunda ata suma a nga kaka yam ahinad’a hi Efraim-mbina, mi dazi ala: Agi pet d’ugulogi vun suma Madiyan-na, agi i hlagi yina woi avorozi ata yima suma a djak mbina kua kasezina gak Bet-Bara avun alum ma Jurdê-na mi. Suma hi Efraim-ma pet a tok taziya, a i hle yina woi ata yima a djak mbina kua kasezina gak Bet-Bara avun alum ma Jurdê-na.

Suma ka sariyad’a 7:24 Iomraidhean Croise

Habakuk 3:7

An we suma Kus-sâ a nga kur ndaka ngola; suma Madiyan-na a nga zlak mi.

Jean 1:28

Ahle ndazina a le ni avo Betani sä abo alum ma Jurdê-na woi hî, ata yima Jean nga mi le suma batemba kuana.

Romê-na 15:30

B’oziyona, an nga ni tchenegi ki simiyê Saleina Jesus Christ ki o d’a Muzu’â hAlonina mi heizid’a, ar agi zlabagi ki sed’en agi tchenegi Alona kan ngola.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Suma ka sariyad’a 12:5

Suma Galät-na a hle yima a djak alum ma Jurdê-na kua kasengâ woi ir suma hi Efraim-ma. Le sama Efraim-ma mi tcholï ringâ, mi dala: Agi aran an djak aluma ni, suma Galät-na a dum ala: Angî ma Efraim-ma zu?

Suma ka sariyad’a 8:3

Ni agi ba, Alona mi hagi amulei suma Madiyan-na abogiya, nala, Orep ki Zep. Ki tchetchemba, an le ni suna me ba, ti ndjak ki sun nda agi lata ge? Ata yima mi dazi hina na, huruzi mi b’leng ngei kamu.