Suma ka sariyad’a 7:22 - Bible azumeina

²² Suma kikis hindina a bu aduveina. Ma didina mi mbut suma kur kangîna irazi ir taziya; a nde tchi taziya. Suma kur kangîna a wet ringâ gak a mbaza Bet-Sita abo ma ir Serera-na gak a mbaza avun Abel-Mehola go ki Tabat.

Suma ka sariyad’a 7:22 Iomraidhean Croise

1 Amuleina 19:16

Bugola, ang i pat Jehu Nimsi goroma, ang vom mbulâ kam á tinim amula yam Israel-lâ. Ang vo mbulâ yam Elise Safat ma Abel-Mehola-na goroma mi vrak ma djogon vunana blangângû.

1 Amuleina 4:12

Bäna Ahilut goroma ni ma nga yam ambas sa Tänak-kina ki Megido kandaga d’a Bet-Seyan nda pet ta go ki Sartan avok Jisreyel la kä d’a; abot ni ndjaka ki Bet-Seyan ki Abel-Mehola gak ti i avun Jokmeyam;

2 Sunda Hamuleinid’a 20:23

Suma Amon-na ki suma Mowap-ma a nde yam suma a tcholï yam ahina d’a Seir-rina, a tchazi woi kakaf. Ata yima a dabazi woi da na, azi tazi nde dur taziya, a dap tazi tchid’a woi pet mi.

Sawal la giled’a 83:9

Suma Asiri-na pî a zlap ki sed’ezi mi, a had’enga mi Lot groma. Tchol ndjö

Isai 19:2

Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Isai 9:3

Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Ezekiyel 38:21

An mba ni yi ahle suma dur ayîna kang teteng á mbud’ung mandarâ, sama lara pî mba mi mbut iram mi tchi ndrama. An Salad’a Ma didina ni de na.

Habakuk 3:14

Ang tchok yam amul mazina ki yeû mazid’a tata; azi suma nga b’at tazi d’igi babarâ na á pleyêmina, a nga siwel ki furîd’a guguguk, a nga tchi suma azi nga kad’enga kazina gumunu.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Zakari 14:13

Kur bur máma Ma didina mba mi tinizi tcha d’a tatad’a ngola adigaziya, nge nge pî mba mi ve ndrama abomu, nge nge pî mba mi zi abom akulo yam ndrama mi.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

Josue 3:16

ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.

Josue 6:16

Dabid’a hi ngui d’a kid’iziyad’id’a, suma ngat buzuna a bu aduveina. Bugola, Josue mi de mi azigarâ ala: Agi tumugi sora, kayam Ma didina mi hagi wa azì ma ngol máma abogi da’!

Josue 6:20

Suma ngat buzuna a bu aduveina. Ata yima azigarâ a hum tchina haduveinina, a tum sora guguk. Gulumuna mi dris kä, azigar suma Israel-lâ a tchuk avo hur azina, nge nge pî ata yima mi nga vorom kama, a hlazì ma ngolâ.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.

1 Samuel 18:19

Bur mala a he ni Merap Saul goromba atchad’a mi David-d’u na, a hat ni mi Adriyel ma Mehola-na.