Suma ka sariyad’a 7:20 - Bible azumeina

²⁰ Ades suma ar mbàna a le na, a bu aduveina, a to agolongeî suma a nga abozina woi mi. Suma pet a yo aku d’a ganda abozi ma gulana, a yo aduveina abozi ma ndjufâ á bud’a, a nga er ad’uzi akulo ala: Ni yam Ma didina azi ki Zedeyon!

Suma ka sariyad’a 7:20 Iomraidhean Croise

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Jeremi 47:6

Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

1 Tasaloni’â 4:16

Ei mba humi yid’a ki vun ma hed’a ki dela hi ma ngolâ hi malaikanina kadif fa bud’a hAlonid’a. Salad’a tamba mba mi tchugï asem kä kur akulod’a. Suma a he gagazid’a yam Jesus suma a bona a mba tchol akulo avok kikidji.

Hebre-na 11:4

Ni yam he gagazid’a ba, Abel mi he vama ngat buzu ma djivina kal ma hi Kain-na. Kayam ndata, Alona mi le glangâs ma djivina kam ala ni sama d’ingêrâ. Mi le glangâsâ yam he d’a hawa mamba mi. Kayam he gagazi mamba, mi mit pî, a nga dum zlam ini.

Josue 6:16

Dabid’a hi ngui d’a kid’iziyad’id’a, suma ngat buzuna a bu aduveina. Bugola, Josue mi de mi azigarâ ala: Agi tumugi sora, kayam Ma didina mi hagi wa azì ma ngol máma abogi da’!

Josue 6:20

Suma ngat buzuna a bu aduveina. Ata yima azigarâ a hum tchina haduveinina, a tum sora guguk. Gulumuna mi dris kä, azigar suma Israel-lâ a tchuk avo hur azina, nge nge pî ata yima mi nga vorom kama, a hlazì ma ngolâ.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.

2 Pierre 1:15

Wani an nga ni b’at tan teteu á gagi humagiya, kayam le an mit pî, agi mba djib’eregi yam ahle ndazina bugolo.

Suma ka sariyad’a 7:19

Zedeyon ki suma kis suma a nga ki sed’ema a mbaza avun kangâ kandjege dangâla kur ler ra azigarâ a vrak tazi á ndjolid’a. A bu adifa, a to agolongeî suma a nga abozina woyo.

Suma ka sariyad’a 7:21

Nge nge pî, mi ar tchola ata yima mam nga kuana bugol kangâ. Suma kur kangîna pet a wet ringâ, a nde tchina ki delezi akulo, a ringâ.

1 Samuel 11:11

Tcha ndjivinda Saul mi wal azigar mama irazi hindi. Kid’a yina lá fod’id’a, azi tchuk kur kangâ hi suma Amon-nina, a tchazi gak afata tchol faleya. Suma a arâ a b’rau woi yayak, a nga fe suma hina mbà ata yima tuna d’i.