Suma ka sariyad’a 7:15 - Bible azumeina

¹⁵ Kid’a Zedeyon mi hum zlad’a hadïd’id’a kad’u mat ta ved’a peta, mi grif kä andaga, mi le mersi mAlona, mi hulong kur kangâ Israel-lîna, mi dazi ala: Agi tchologi akulo, kayam Ma didina mi hagiya wa kangâ hi suma Madiyan-nina abogi da’!

Suma ka sariyad’a 7:15 Iomraidhean Croise

Ad’u Tinda 24:48

An grif kä avok Ma didina, an suburumu, an le mersi mAlona hi salana Abraham ma ngomon mi tagan lovot ta d’ingêra kur tit manda tala an ve salana wiyema gorom ngolod’a mi goroma d’a.

Ad’u Tinda 40:8

Azi hulong dum ala: Ami nge nge pî adïd’a dumu, sama ka hî ma vamizi ad’utna nga d’i. Josef mi hulong dazi ala: NAlona ba, mi ndak á vad’ud’a d’uo zu? Agi van ni ad’u adï magid’a.

Ad’u Tinda 41:11

Kur andjege d’a tud’a ami nge nge pî adïd’a dumu, adï d’a lara pî ka ad’u mata ved’a.

Suma ka sariyad’a 3:28

Mi dazi ala: Agi mbeyegï blogonu, kayam Ma didina mi hagiya wa Mowap magi suma djangûna abogiya. Azi i blogomu, a hle yima suma a djak alum ma Jurdê-na kasezi kuana abo ma ir Mowap-ma, a nga ar sa á kal li.

Suma ka sariyad’a 4:14

Ata yi máma Debora ti de mi Barak ala: Ang tchol iya! Gola! Bur ma inina ni bur ma Ma didina mi hang Sisera abongâ; Ma didina nga mi tit avorongû! Barak mi tchuk asem kä woi yam ahina d’a Tabor-ra ki suma 10.000 blogom mi.

Suma ka sariyad’a 7:11

Sä hî ang mba hum zla d’a azi mba data. Bugola, ang mba fad’enga á duruziya. Zedeyon mi i kazong mama Pura gak a mbaza avun kang ma avok kikidjina.

Suma ka sariyad’a 7:14

Ndrama mi hulong dum ala: Nga ni vama ding ngi. Ni mbigeu d’a fiyaka hi Zedeyon ma Israel ma Jowas goromina. Alona mi hum wa suma Madiyan-na ki kang mazina pet abom da’!

Suma ka sariyad’a 7:16

Zedeyon mi wal suma kikis hindina kä ad’u hindi. Mi hazi aduveina abozi tutu pet, kagolongeî suma va nga kuruzi d’uo na kaku d’a ganda kuruzi mi.

Suma ka sariyad’a 8:7

Zedeyon mi hulong dazi ala: Djiviya! Fata Ma didina mi han wa Zeba ki Salmuna abonu ni, an mba ni togi ki kekerezeuna kaweid’a mi.

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

1 Samuel 14:12

A de mi Jonatan azi kazong mama ki delezi akulo ala: Agi mbeyegi atamiya; ami mba tagagi va tu! Ata yi máma Jonatan mi de mazong mama ala: Ang mbei blogonu. Ma didina mi hazi wa abo Israel-lâ.