Suma ka sariyad’a 6:5 - Bible azumeina

⁵ Ata yima a nga mbana, a mba ni ki d’uwar mazina ki zlub’u mazid’a, a mba nablaud’a d’igi djera na, a ndak nga á ndum mbi. A mba ni ki djambal mazid’a á b’lak ahle suma yam ambasina.

Suma ka sariyad’a 6:5 Iomraidhean Croise

Sawal la kal teglesa 1:5

Agi yugunei suma Jerusalem-ma, an ni wurad’a, an ni djif d’igi zlub’u d’a Kedar-ra na, d’igi zlub’ud’a hi Salomon-nda na mi.

Isai 13:20

Sa mba mi kak kurut ti, a mba fe sa kaka kurut ti gak didin. Ma Arap mba mi ve zlub’u mam kua d’i, suma pola a mba kak kua ndjö d’uo mi.

Isai 60:6

Suma djambala ablaud’a a mba oî yam ambas maka. Azi ni suma djambal suma Madiyan-na ki suma Efa-na. Azi pet a mba tcholï ni Seba, a mba mba ki lora ki dubang ma his djivid’ina, a mba gile Ma didina mi.

Jeremi 46:23

Ma didina mi de kua ala: Agu mat ta kal ndindik ka sa ndak á kal adigat tuo d’a pî, a mba kat kä woyo, kayam suma djangûna ablaud’a kal djera, sa ndak á ndumuzi d’i.

Jeremi 49:29

Ar a yozi zlub’u mazid’a ki d’uwar mazina, ar a yozi azuwei mazina kahle mazina ki djambal mazid’a, ar a tchi wulula ad’uzi akulo ala: Ar mandarâ mi vazi ata yina pet!

Jeremi 49:32

Ma didina mi dala: A mba hurum djambal mazid’a, d’uwar mazi ma mimiyâ’â mba mi mbut ni vama hurumba avun ayîna. An mba ni ndjoyôzi woi ki simetna pet. Suma a wel ad’u dudumazina, an mba ni mba ki ndaka kazi ata yina pet.

Jeremi 51:14

Ma didin ma ad’engêm kal petna mi gun tam ki mam tamba ala: Gagazi, an mba ni oî suma kuruk d’igi djera na, a mba siwel siwel la ayîna kagu.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

Suma ka sariyad’a 8:10

Wani Zeba azi ki Salmuna a nga Karkor ki azigar mazina go ki 15.000. Azi pet ni azigar suma a ar hi suma a nga kaka abo ma yorogonina. Suma 120.000, a tchazi woi da’.

Suma ka sariyad’a 8:21

Zeba azi ki Salmuna a de mi Zedeyon ala: Ang tang tchol akulo, ang tchamiya! Kayam ni sama ndak mandjufîna tua ba, mi tchi sana. Zedeyon mi tchol akulo, mi tchi Zeba azi ki Salmuna, mi yo ahle suma djif suma kel djambal mazid’ina mi.

1 Samuel 30:17

David mi ndätazi durâ ki yina kukrumuka dei gak tcha ndjivin fladege. Sa mazi tu pî mi sut ti; nazungeî suma kikis fid’i suma a nga yam djambala a ringâ hol.