Suma ka sariyad’a 6:4 - Bible azumeina

⁴ A mba ve kang mazina abo ma irazina, a b’lak awu ma yam ambasina woi kakaf gak a mba abo ma ir Gaza-na, a nga ar vama te avo Israel loze tumiyôna d’oze amuzleina d’oze koro d’uo mi.

Suma ka sariyad’a 6:4 Iomraidhean Croise

Ad’u Tinda 10:19

Andagad’a hi suma Kanan-nid’a tin ni ad’ud’a ni Sidon go ki Gerar, gak Gaza go ki Sodom ki Gomor ki Atma ki Seboyim, gak Lesa.

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Zla d’a d’ogolâ 28:3

Sama hou ma mi kid’eî ir sama kid’akina, mi ni d’igi alo ma se ki babarâ ma mi b’lak ahlena woi kakazeîna na.

Jeremi 5:17

A mba b’lagagi awu magina ki te magina, a mba tchagi grogi suma andjofâ ki grogi suma aropma, a mba tchagi d’uwar magi ma gureina ki ma nglona woyo, a mba b’lagagi guguzlu magid’a ki tulumei magina woyo, a mba togi aziyagi ma nglo ma ad’eng ma ngungu ma agi tinigi hurugi kama kä woi kayî ma durâ mi.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Abdiyas 1:5

Le suma kula d’oze suma hurum ahlena a mba avo hatagi andjege ni, gagazi, a mba b’lagagiya, a mba kulï ahle suma huruzi minizina d’uo zu? Le suma dut guguzlud’a a mba avo hatagiya ni, a mba arî guguzlud’a blangâtna akulo hol luo zu?

Mise 6:15

Agi mba zaragiya, wani agi mba dud’ugi d’i; agi mba yorogi vut olifâ, wani agi mba lagi mbulum atagi d’i; agi mba mired’egi guguzlud’a, wani agi mba tchat sümut ti.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.

Suma ka sariyad’a 6:3

Ata yima Israel-lâ a zum awuna kä na, suma Madiyan-na ki suma Amale’â zlapa ki suma a nga kaka abo ma yorogonina, a mba atazi durâ.