Suma ka sariyad’a 6:23 - Bible azumeina

²³ Ma didina mi dum ala: Ang kak ki halasa, ang le mandar ri; ang mba mit ti.

Suma ka sariyad’a 6:23 Iomraidhean Croise

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Ad’u Tinda 32:31

Kid’a afata deîd’a, Jakob mi djak Peniyel, nga mi tit dileîd’a yam ir tchugulum mba pata.

Ad’u Tinda 43:23

Azong máma mi hulong dazi ala: Agi djib’eregi va d’i, agi kagagi iragi sik; Alo magina, Alona habugina, mi tchugugi beged’a kur bud’omei magina ni mam kla. An fe wa bege magid’a. Mi gazi Simeon akulo.

Sawal la giled’a 85:8

Ma didina, ang tagami o mang nga didinda, ang sud’umiya.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Jean 20:19

Kid’a afata nik dad’a, ni bur ma dimas máma, suma hata a duk vun azì ma azi nga kuana, abo mandarâ hi Juif-fîna. Ata yi máma, Jesus mi mba, mi tchol adigaziya, mi dazi ala: An gagi depa.

Jean 20:26

Dimas sa mbàd’a, suma hata hi Jesus-na a nga klavi kua, vun azina nga duka mi. Toma mi nga ki sed’eziya. Ata yi máma, Jesus mi mba, mi tchol adigaziya, mi dazi ala: An gagi depa.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

Suma ka sariyad’a 19:20

Sama mamarâ mi dum ala: Ar ang kak ki halasa! An hlanek manga pet kanu, ang mba bur ata yima ka hina d’i.

Suma ka sariyad’a 6:22

Zedeyon mi we d’ala ni malaikana hi Ma didinina d’a, mi dala: Salad’a Ma didina, ni zla d’a hohoud’a kanu! Kayam an we malaika mangâ ki iranu!

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.