Suma ka sariyad’a 6:13 - Bible azumeina

¹³ Zedeyon mi hulong dum ala: Hawa yak! Le Ma didina mi nga ki sed’emiya ni, ni kayam me ba, ahle suma tchotcho ndazina a mba kami na ge? Ahle mam suma yoyou suma mi lazi suma abuyomi ngolo a dami kazi ala: Ni Ma didina ba, mi buzugumï woi kur Ezipte d’uo zi ge na, a nga ni lara ge? Ki tchetchemba, Ma didina mi arami woyo, mi hami wa woi abo suma Madiyan-na.

Suma ka sariyad’a 6:13 Iomraidhean Croise

Ad’u Tinda 25:22

Grona a nde ndjiget tazi kurud’u, ti dala: Le ni na ni, an ve wirâ na na ge? Ti i tchen Ma didina.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Sawal la giled’a 27:9

Ang ngei irang avoron ndi, ang zut azong mangâ woi kayîna d’i. Angî ma ndjununa, ang aran ndei d’i, ang gan ndei d’i, kayam angî Alo ma sud’una.

Sawal la giled’a 44:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 44:2

Alo mamina, ami humumi ki humamiya, abuyomi ngolo a dami zla sun nda ang lat kur atchogoi mazid’a avok dedeid’a.

Sawal la giled’a 44:9

Ami nga suburung burâ ki burâ, ami mba gileng simiyêng gak didin. Tchol ndjö.

Sawal la giled’a 89:49

Sama mi ndak á kak karid’a bei matnina nga zu? D’oze sama mi ndak á prut tam mbei ata yima azuleinina nga zu? Tchol ndjö

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Jeremi 23:33

Ma didina mi de mi Jeremi ala: Le sum ndazina d’oze ma djok vuna d’oze ma ngat buzuna, a djobong ala: Zla d’a aneka hi Ma didinid’a ni me ge ni, ang dazi ala: Zla d’a anek ndata ni agi tagid’a! Ma didina mi dala: An tchugugi woyo!

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 29:24

Andjaf suma dingâ pet a mba dala: Ni kayam me ba, Ma didina mi le ki suma kur ambas ndatina na ge? Ni kayam me ba, hurum zal ngola kazi na ge?

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?

Suma ka sariyad’a 6:1

Israel-lâ a hulong le sun nda ding nga Ma didina tam nga d’i lum djivi kat tuo d’a. Ma didina mi hazi woi abo suma Madiyan-na gak bizad’a kid’iziya.

Suma ka sariyad’a 6:12

Malaikana hi Ma didinina mi nde tam mbei iramu, mi dum ala: Ma dur ma gangrangâ, Ma didina mi nga ki sed’engû!