Suma ka sariyad’a 5:6 - Bible azumeina

⁶ Kur atchogoid’a hi Samgar Anat goromid’a, kur atchogoid’a hi Jayel-la, suma tita a ar lovot ta nglod’a woyo, suma a nga titna a tit ni kur lovot ta gurei d’a gunda.

Suma ka sariyad’a 5:6 Iomraidhean Croise

2 Sunda Hamuleinid’a 15:5

Kur atchogoi ndata, b’leng nga halasa ti nga yam suma á id’a á hulongîd’a d’i. Kayam tcha d’a tatad’a ti nga aduk suma a nga kaka yam ambasina pet.

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Isai 33:8

Lovota hurut ni hawa kikid’ik, sa nga mi kal kurut ti. Ma te yamba kad’engina mi but vun ma djinda woyo, mi gol suma glangâsâ is, nga mi he ngol mi sa tu d’i.

Jeremi 6:25

Ar agi buzugugi abagei kel li, agi tid’igi hur lovota d’i, kayam ma djangûna mi nga kua ki mbigeu mam mba fiyaka abomu. Mandarâ mi nguyi kä ata yina pet.

Hor ma tchina 1:4

Lovot ta i Siyon-nda nga d’i yor tat d’igi sana na, kayam suma a nga mba á le vun tilâ kua d’uo d’a. Vun agrek matna pet mi b’lak keyo, mat suma ngat buzuna a nga zam taziya, yugunei matna a mbut wa hohoud’a, ndat tata ti nga kur hat hur ma ngolâ mi.

Hor ma tchina 4:18

A nga tchid’i aseya, ei ndak á tchei blangeîna d’i. Dabi meid’a mba wa go, bur meina ndak wa... Dap kei da’!

Sunda hi suma hi Levi-nid’a 26:22

An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Suma ka sariyad’a 3:31

Bugol Ehut, Samgar Anat goroma mi vraga. Mi tchi suma Filistê-na kikis karagaya ki leleu ma a hat kamuzleinina, mi sut Israel-lâ woi mi.

Suma ka sariyad’a 5:7

Suma gangrangâ a nga aduk Israel-lâ d’uo d’a, sa nga d’uo gak an Debora ni tchol akulo, an tchol akulo d’igi asu suma na aduk Israel-lâ.