Suma ka sariyad’a 5:31 - Bible azumeina

³¹ Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.

Suma ka sariyad’a 5:31 Iomraidhean Croise

2 Samuel 18:31

Gol wani, ma Etiyopi-na mi mba, mi de mamulâ ala: Salana, amul mana, ar ang hum zla d’a djivid’a! Ini Ma didina mi kang wa sariya manga, mi hang wa suma a kak djangûna ki sed’engâ pet abongû.

2 Samuel 18:32

Amulâ mi de mi ma Etiyopi-na ala: Azongâ Apsalom mi nga hawa ko zu? Ma Etiyopi-na mi hulong dum ala: Zla d’a mba yam azong mámid’a, ar ti mba yam suma a kak djangûna ki sed’eng ang salana amul manina, yam suma pet suma a hal zlad’a ki sed’engâ mi.

2 Samuel 23:4

mi ni d’igi b’od’a hafat ta deî yorogod’a na, mi ni d’igi yorogo d’a bei d’ugula ka kua bad’a na, mi ni d’igi b’od’a hafat ta ti nde balum alo ma se d’a ar asu ma awilina mi deîd’a na.

Sawal la giled’a 19:6

Afata ni d’igi gor azong ma tel atchad’a awili ma nga mi nde woi yorogo avun aziyam ki furîd’ina na. Ti ni d’igi sama ad’eng ma kus ayî ma nga mi guvutna na.

Sawal la giled’a 20:8

Suma dingâ a tin huruzi ni yam pus mazi ma dur ayîna, suma dingâ a tin huruzi ni yam akulumei mazina, wani ei tini huri ni yam Ma didina Alo meina.

Sawal la giled’a 37:6

Mam mba mi ndang d’ingêr manga woi d’igi b’od’a na, sariya mang nga irata mba d’i nde woi d’igi afat ta faleid’a na.

Sawal la giled’a 89:36

Yam bei tcho manda an ni gun tan ni ki iran fafat, na ni an ndak á ka zlad’a mi David tchu?

Sawal la giled’a 89:37

Andjavam mba mi ka’î hina gak didin, leu mam mba ted’a mba d’i kak avoron gak didin d’igi afata na.

Sawal la giled’a 91:14

Ma didina mi dala: Kayamba mi le kanda, an mba ni prud’um mbeyo, an mba ni ngomom mi, kayam mi wan ndei tetet.

Sawal la giled’a 92:10

Ma didina, gola! Mang suma djangûna pet a mba ba woyo, suma bei d’ingêra a mba b’rau woi yayak mi.

Sawal la giled’a 92:9

Wani Ma didina, ang nga kaka akulo gak didin.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Sawal la giled’a 97:8

Ma didina, suma Siyon-na a huma, a le furîd’a, suma kur azì ma nglo ma Juda-na pet a nga aî yam sariya mang nga kad’a mi!

Buzuk ka Abud’a 20:6

Suma a nga le kan suma a nga ngom vun ma he manina, an mba ni wazi hohowozi gak kur atchogoi d’a dubud’a.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Daniel 12:3

Suma ned’a a mba b’o wile d’igi hur alona na, suma a mba hat suma ablaud’a d’ingêrina a mba wile d’igi tchitchiud’a na burâ ki burâ gak didin.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Matiye 13:43

Ata yi máma, suma d’ingêrâ a mba wile kur leud’a hAbuzid’a d’igi afata na. Sama nga ki humba á humbina, ar mi huma.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

1 Korente-na 8:3

Wani sama le yam Alonina, Alona nga mi wumu.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Gat ta a hat á mbàd’id’a 6:5

Ang le yam Ma didina Alo mangâ ki hurung pet ki tang pet kad’engêng pet mi.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

Vama ndum mbeina 1:16

Tchitchiud’a kid’iziya a nga ved’a abom ma ndjufâ, mbigeu d’a fiyak ka te d’a siyat mbàd’a, ti nde woi avunamu. Iram mba gola nga d’i wile d’igi afat ta faleid’a na.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Suma ka sariyad’a 3:11

Ambasa ti kak ki halasa gak bizad’a dok fid’i. Bugola, Otniyel Kenas goroma mi mid’a.

Suma ka sariyad’a 3:30

Kur bur máma suma Mowap-ma a hulong yazi kä ad’u Israel-lâ. Ambasa ti kak ki halasa gak bizad’a dok klavandi.