Suma ka sariyad’a 4:9 - Bible azumeina

⁹ Debora ti hulong dum ala: Djiviya! An nga ni i ki sed’engû. Wani ang mba fe subura kur ayî ma dur máma d’i. Kayam Ma didina mba mi he Sisera nabo atchad’a. Bugola, Debora ti tchola, ti i ki Barak avo Kedes.

Suma ka sariyad’a 4:9 Iomraidhean Croise

2 Sunda Hamuleinid’a 26:18

A tchol avok amulâ Oziyas, a dum ala: Oziyas, nga ni zla manga á ngal dubang ma his djivid’ina mi Ma didina d’i. Ni sunda hi suma ngat buzuna andjafâ hi Aron-na. Ni azi ba, a tinizi irazi vazi á ngal dubang ma his djivid’ina. Ang nde woi ata yima a tinim iram vama, ang le i hî ni sun nda ata yat tuo d’a; ni sun nda Ma didina mba mi suburung kat tuo d’a!

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 4:8

Barak mi hulong dat ala: Le ndak i ki sed’enu ni, an iya; le ndak i ki sed’en nduo ni, an nga ni i d’i.

Suma ka sariyad’a 9:53

Ata yi máma atchad’a ti hleî gor ahina d’a lutna, ti ge ki Abimelek yamu, ti wagam yam mbeyo.

Suma ka sariyad’a 9:54

Ata yi máma na wat, mi yi gor azong ma nga mi zi ahle mam suma sinina, mi dum ala: Ang pat mbigeu mang nga fiyaka, ang tchanu! Ar a davin kan ala atchad’a ba, ti tchanu d’i. Gor azong mama mi tchogom mi tchumu.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.