Suma ka sariyad’a 4:15 - Bible azumeina

¹⁵ Ma didina mi ndjoî Sisera ki pus mama ki sum mama ki mbigeu d’a fiyaka woi vivreng avok Barak. Sisera mi yak asem mbei kur pus mama, mi ring kasemu.

Suma ka sariyad’a 4:15 Iomraidhean Croise

2 Amuleina 7:6

Kayam Salad’a mi mal hum suma kur kang ma Siri-na á hum asem azigar suma ad’engâ tchina kakulumeina ki pus mazi ma dur ayîna mi. Suma Siri-na a nga de tazi ala: Amul ma Israel-lâ mi wura’î suma Het-na ki suma Ezipte-na. Kayam ndata, azi sunï azigar mazina á duri wana.

Gat ta a hat á mbàd’id’a 7:23

Ma didina Alo magina mba mi hagizi abogiya, mba mi b’rawazi woi avorogi yayak gak a mba dap peyo.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Josue 10:10

Ma didina mi ndjoyôzi woi avok Israel-lâ. A tchazi tchi d’a tchod’a avo Gabawon, a nga digizi kur lovot ta i akulo Bet-Horon-nda, a tchazi gak a mbaza Azeka ki Makeda.

1 Samuel 7:10

Wani ata yima Samuel nga mi he vama ngat buzu ma ngala mi Ma didina tua na, Filistê-na a mba go á ngruf Israel-lâ. Wani kur bur máma Ma didina mi breyêzi ad’enga. Azigar suma Filistê-na a nde tcha tata, a wet ringâ avok Israel-lâ.