Suma ka sariyad’a 3:28 - Bible azumeina

²⁸ Mi dazi ala: Agi mbeyegï blogonu, kayam Ma didina mi hagiya wa Mowap magi suma djangûna abogiya. Azi i blogomu, a hle yima suma a djak alum ma Jurdê-na kasezi kuana abo ma ir Mowap-ma, a nga ar sa á kal li.

Suma ka sariyad’a 3:28 Iomraidhean Croise

1 Amuleina 20:21

Wani amul ma Israel-lâ mi ndabua, mi tchi akulumeina, mi b’lak pus ma dur ayîna teteng ngeyo, mi tchi azigar suma Siri-na ngingidjip mi.

Josue 2:7

Suma amulâ mi sunuzi ndazina a i bugol sum ndazina kur lovot ta i avun alum ma Jurdê-nid’a, gak a mbaza ata yima suma a djak mbina kua kasezina. Kid’a a buzuk kei a i blogozid’a, a duk vun agre’â akulo.

Suma ka sariyad’a 10:11

Ma didina mi hulong dazi ala: Kid’a suma Ezipte-na, suma Amor-râ, suma Amon-na, suma Filistê-na,

Suma ka sariyad’a 12:5

Suma Galät-na a hle yima a djak alum ma Jurdê-na kua kasengâ woi ir suma hi Efraim-ma. Le sama Efraim-ma mi tcholï ringâ, mi dala: Agi aran an djak aluma ni, suma Galät-na a dum ala: Angî ma Efraim-ma zu?

Suma ka sariyad’a 3:29

Kur bur máma a tchi suma Mowap suma gangrang suma a we durîna go ki 10.000. Sa mi sut nga tu d’i.

Suma ka sariyad’a 4:10

Barak mi yi andjafâ hi Zabulon-na kandjafâ hi Neftali-na avo Kedes. Suma 10.000 a i blogomu; Debora ti i ki sed’em mi.

Suma ka sariyad’a 7:14

Ndrama mi hulong dum ala: Nga ni vama ding ngi. Ni mbigeu d’a fiyaka hi Zedeyon ma Israel ma Jowas goromina. Alona mi hum wa suma Madiyan-na ki kang mazina pet abom da’!

Suma ka sariyad’a 7:15

Kid’a Zedeyon mi hum zlad’a hadïd’id’a kad’u mat ta ved’a peta, mi grif kä andaga, mi le mersi mAlona, mi hulong kur kangâ Israel-lîna, mi dazi ala: Agi tchologi akulo, kayam Ma didina mi hagiya wa kangâ hi suma Madiyan-nina abogi da’!

Suma ka sariyad’a 7:17

Mi dazi ala: Agi golondi ni anu, agi lagi d’igi an mba ni le hina. Ata yima an mba ni mbaza avun kangîna, agi lagi vama an mba ni luma.

Suma ka sariyad’a 7:24

Zedeyon mi ge sunda ata suma a nga kaka yam ahinad’a hi Efraim-mbina, mi dazi ala: Agi pet d’ugulogi vun suma Madiyan-na, agi i hlagi yina woi avorozi ata yima suma a djak mbina kua kasezina gak Bet-Bara avun alum ma Jurdê-na mi. Suma hi Efraim-ma pet a tok taziya, a i hle yina woi ata yima a djak mbina kua kasezina gak Bet-Bara avun alum ma Jurdê-na.

Suma ka sariyad’a 7:9

Kur andjege ndata Ma didina mi de mi Zedeyon ala: Ang tchola, ang i kur kangâ hi suma Madiyan-nina á durâ, kayam an hangziya wa abongû.

1 Samuel 17:47

Ablau suma tok pet wana a mba wala Ma didina nga mi min ni mbigeu d’a fiyaka ki djamba á kus ayîna d’i; mam tamba ni ma kus ayîna, mba mi hagi ini abomiya.