Suma ka sariyad’a 3:27 - Bible azumeina

²⁷ Ata yima mi mbazina, mi bu adifa yam ahinad’a hi Efraim-mba. Israel-lâ a togï gevem yam ahinad’a, mi ge tam avoroziya.

Suma ka sariyad’a 3:27 Iomraidhean Croise

2 Samuel 20:22

Atcha ndata ki ne mata, ti i avo gen suma kur azinina pet. A ngad’ï yam Seba Bikri goroma, a gattcha mi Jowap yam gulumuna. Jowap mi bu adifa, suma a b’rau woi a ar azì máma; nge nge pî mi i avo hatamu. Jowap tamba mi hulong avo Jerusalem gen amulâ mi.

2 Amuleina 9:13

Ata yi máma na wat azigar suma nglona a fok baru mazina woyo, a tchugum kä ata yima a djak kakulona kayam mam kak kamu. Suma a bu aduveina, suma pet a nde er ad’uzi akulo ala: Amulâ Jehu, ar va mi lang ngi! Amulâ Jehu, ar va mi lang ngi!

Nehemi 4:14

Bugol la an i á gol yina tetenga, an de mi suma nglona ki suma avok sumina kablau suma pet suma a nga ata yi mámina ala: Ar agi lagi mandara magi suma djangûna d’i. Agi djib’eregi yam Salad’a ala ni Ma ngol ma kal papana, agi durugi ayîna yam b’oziyogina, yam grogi suma andjofâ ki suma aropma, yam amiyôgina, yam aziyagi mi.

Josue 17:15

Josue mi dazi ala: Le agi ablaud’a ni, agi igi aduk agud’a, agi kagi agud’a woi yam ambasa hi suma Peris-sâ ki d’a hi suma Refa-nid’a á fagi yima kaka, kayam ahinad’a hi Efraim-mba, ti kid’agagiya.

Josue 17:18

Wani agi mba hlagi ahinad’a. Le agud’a kat heî pî, agi mba kat teyo, agi mba fagi yina. Suma Kanan-na ki pus mazi ma dur ayîna kad’eng mazid’a pet pî, agi mba digizi woyo.

Suma ka sariyad’a 10:1

Bugol Abimelek, Tola Puwa gorom ma Dodo gorom ngolonina, ni ma ad’u andjafâ hi Isakar-râ, mi tchol á prut Israel-lâ woyo. Mi nga ni kaka avo Samir yam ahinad’a hi Efraim-mba.

Suma ka sariyad’a 17:1

Sana nga kaka yam ahinad’a hi Efraim-mba, a yum ala Mika.

Suma ka sariyad’a 19:1

Kur atchogoi d’a amul nga avok Israel-lâ d’uo d’a, sana hi Levi ma nga kaka avun dabid’a hi ahinad’a hi Efraim-mbina, mi vatcha d’a gor ra Betelehem mba Juda-d’a.

Suma ka sariyad’a 3:26

Kid’a azi nga djup tua d’a, Ehut mi ringâ, mi kal lei bugol filei ma ahinad’a, mi sut tam Seir.

Suma ka sariyad’a 5:14

Suma hi Efraim suma a kus yam suma Amale’â a tcholï a mba. Suma hi Benjamin-na a zlap ki azigar mazina. Suma hi Makir-râ a sun mazi suma nglona á dur ayîna zlapa ki suma hi Zabulon suma a nga ki totogo d’a tamula abozina.

Suma ka sariyad’a 6:34

Muzu’â hi Ma didinina mi kak yam Zedeyon. Mi bu adifa, mi yi suma hi Abiyezer-râ á i blogomu.

Suma ka sariyad’a 7:24

Zedeyon mi ge sunda ata suma a nga kaka yam ahinad’a hi Efraim-mbina, mi dazi ala: Agi pet d’ugulogi vun suma Madiyan-na, agi i hlagi yina woi avorozi ata yima suma a djak mbina kua kasezina gak Bet-Bara avun alum ma Jurdê-na mi. Suma hi Efraim-ma pet a tok taziya, a i hle yina woi ata yima a djak mbina kua kasezina gak Bet-Bara avun alum ma Jurdê-na.

1 Samuel 13:3

Bur tu Jonatan mi tchi ma ngolâ hi azigar suma Filistê suma a nga kaka avo Geba-na; suma Filistê-na pet a huma. Ata yi máma Saul mi sun suma sunda á bu adifa kur andagad’a pet, mi dala: Ar suma Hebre-na a huma!