Suma ka sariyad’a 3:15 - Bible azumeina

¹⁵ Israel-lâ a nde tchi yam Ma didina; Ma didina mi tchol ki ma sud’uzina Ehut Gera gorom ma ad’u andjafâ hi Benjamin-na, ni ma gulad’a. Israel-lâ a sunum ki he d’a hawad’a mi Eglon amul ma Mowap-ma.

Suma ka sariyad’a 3:15 Iomraidhean Croise

2 Samuel 20:10

Amasa mi ngom nga tam yam mbigeu d’a fiyak ka nga abo Jowap-pa d’i. Jowap mi pum mbigeu mam mba fiyaka kurumu, mi zugum aruwad’am kä woi andaga. Amasa mi mit bei Jowap mi tchogom yam á mbàd’a ba. Jowap azi ki wiyema Abisai a nde dik Seba Bikri goroma.

2 Samuel 20:9

Jowap mi de mi Amasa ala: Wiyena, ang hawa ko zu? Mi vum dudumam kabom ma ndjufâ á gum depa ki furîd’a.

1 Sunda Hamuleinid’a 12:2

Azi ni suma a we yeûd’a yeta ki mbiud’a á durâ kabozi ma ndjufâ d’oze kabozi ma gulana mi na. Azi nandjafâ hi Benjamin mala nandjafâ hi Saul-lâ tamba na mi.

1 Sunda Hamuleinid’a 8:3

Bela mi vut Adar, Gera, Abihut,

1 Sunda Hamuleinid’a 8:5

Gera, Sefufan ki Huram.

2 Sunda Hamuleinid’a 9:24

Amul ma lara pî adigazi nga mi mbam ki he d’a hawad’a, nala, ahle suma a lazi ki kawei ma hapmina, ahle suma a lazi ki lorina, baruna, ahle suma dur ayîna, mbul ma his ma afufuîna, akulumeina ki koro ma akulumei akulumeina mi. A nga le hina bizad’a ki bizad’a.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 78:34

Ata yima Alona mi tchi suma dingâ adigazi woina, suma a arâ a hulongî gevemu, a hulong a mba gevem á halam ki hur ma tuna.

Sawal la giled’a 90:15

Ar ang oyômi ki furîd’a ndak yam bur ma ang oyômi ki hohoud’ina; ar ang oyômi ki furîd’a ndak yam biza d’a ang oyômi ki ndakid’a mi.

Zla d’a d’ogolâ 18:16

He d’a hawad’a hi sanid’a nga d’i malam lovota avorom hotot, nga d’i hum yima kaka gen suma nglona mi.

Zla d’a d’ogolâ 19:6

Suma ablaud’a a nga gile sama ngolâ ata yima mi nga ki sed’ezina, suma pet a nga ve banad’a ki sama mi he he d’a hawad’a mi sumina mi.

Zla d’a d’ogolâ 21:14

He d’a hawa d’a a hat gumunda nga d’i b’leng vun ayîna hi sanina kä, he d’a hawa d’a gumunda nga d’i ve vun ayîna hi sanina kä mi.

Isai 36:16

Mi de kua ala: Salana amul ma Asiri-na mi dala: Agi hagi gagazid’a kam mbi, ar agi humum mbuo mi. Ar agi humugi ni zla d’a an amul ma Asiri-na ni dagizi wanda: Agi zlabagi darigïd’a ki sed’enu, agi mbeyegi gevenu. Wani nge nge pî mba mi te vud’a guguzlu mamba, mba mi te vud’a tulum mama, nge nge pî mba mi tche mbiyo golong mamba mi.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Suma ka sariyad’a 2:16

Ma didina mi tinizi suma nglo suma avorozi suma a sud’uzi woi abo suma a nga hurumuzina.

Suma ka sariyad’a 20:16

Aduk sum ndazina pet suma gula suma dingaûd’a a nga kikisa kid’iziya. Sum ndazina pet a ndak á d’ingêr tumus sa yam sanid’a á gat ki mbiud’a abozi mi vat bei kal mbloka ba.

Suma ka sariyad’a 3:14

Israel-lâ a le sunda mi Eglon amul ma Mowap-ma gak bizad’a dogo yam klavandi.

Suma ka sariyad’a 3:16

Ehut mi zle mbigeu d’a fiyak ka siyat mbàd’a, fiyagat ni santimetred’a dok vahl, mi kalat ata d’ik mama kä krovo kur baru mama yam ab’alam ma ndjufâ.

Suma ka sariyad’a 3:9

Israel-lâ a nde tchi yam Ma didina; Ma didina mi tchol ki ma sud’uzina Otniyel Kenas ma Kalep wiyem ma gorâ goroma.

Suma ka sariyad’a 4:3

Jabin mi nga ki pus ma kawei ma dur ayîna kikis zlengâ, mi djop vun Israel-lâ ngola gak bizad’a dok mbà. Ata yi máma Israel-lâ a nde tchi yam Ma didina ala mi ndjunuziya.

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.