Suma ka sariyad’a 20:47 - Bible azumeina

⁴⁷ Suma kikisa karagaya suma a häzigazi mi Israel-lâ a ring ki lovot ta i hur fulâ yam ahina d’a Rimon-ndina, a kak sä kua gak tilâ fid’i.

Suma ka sariyad’a 20:47 Iomraidhean Croise

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

Hor ma tchina 3:32

Wani ata yima mi gad’ama, mi wum hohowom yam o mam mba ngol la bei dabid’a.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Suma ka sariyad’a 20:46

Ablau suma hi Benjamin suma a tchazi kur bur mámina ni suma 25.000. Azi pet ni suma gangrang suma a nga ki mbigeu d’a fiyaka abozina.

Suma ka sariyad’a 20:48

Israel-lâ a hulongî ata suma hi Benjamin-na, a tchaziya, andjuveina, d’uwarâ kahlena pet suma azi fazina woi ki mbigeu d’a fiyaka hur azì ma nglo ma ar ta ta na, a ngalam mbei mi.

Suma ka sariyad’a 21:13

Ablau suma toka pet a tchuk sunda ata suma hi Benjamin suma a nga kaka yam ahina d’a Rimon-ndina á dazi zlad’a yam halasa.