Suma ka sariyad’a 20:18 - Bible azumeina

¹⁸ Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.

Suma ka sariyad’a 20:18 Iomraidhean Croise

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Ndumba 27:21

Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Ndumba 27:5

Moise mi i ki zla mazid’a avok Ma didina.

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

Josue 9:14

Israel-lâ a ve tena abozi bei djop Ma didina ba.

Suma ka sariyad’a 18:31

Azi tin agu ma tchet ma Mika mi luma mi azi kur atchogoi d’a lara pet ta gonga hAlonid’a ti nga avo Silo-d’a.

Suma ka sariyad’a 19:18

Ma hi Levi-na mi hulong dum ala: Ami tcholomi ni Betelehem mba Juda-d’a á i yam ahinad’a hi Efraim-mba; ni yima an nga kaka kuana. An tcholï ni Betelehem mba Juda-d’a, an i ni kur gonga hi Ma didinid’a. Wani an fe nga sama mi van avo hatama d’i.

Suma ka sariyad’a 20:17

A ndum Israel-lâ bei ndum suma hi Benjamin-na ba, a ni 400.000, ni suma ki mbigeu d’a fiyaka abozina pet, ni suma dur ayîna mi.

Suma ka sariyad’a 20:19

Ki yorogo tcholola, Israel-lâ a yo tita, a i ve kangâ go ki Gibeya.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

Suma ka sariyad’a 20:7

Gola! Ni agi Israel-lâ ba wan pet, agi djobogi tagiya, agi ngagi hurugi yam va tu ka hî!

1 Samuel 10:3

Samuel mi dum kua ala: Ang mba iza avok hina nde, ang mbaza ini ad’u agu ma a tinim iram vam ma Tabor-râ, ang mba ngaf ini ki suma hindi suma a nga kal avo Betel á he vama ngat buzuna mAlonina. Ma dingâ tu nga mi tan b’ogeina hindi, ma mbàna mi nga kavungôna abom hindi, ma hindina mi nga kagel la süm guguzlud’a kamu.