Suma ka sariyad’a 2:19 - Bible azumeina

¹⁹ Wani kid’a ma avorozina mita, azi hulong a le tcho d’a ding nga kala habuyozi ngolod’a, a zlap kalo ma dingâ teteng, a kud’uromu, a grif kä avorom mi. A ar nga sun mazi d’a tcho ndata d’oze hur mazi ma b’ala ki so vun mazina woi d’i.

Suma ka sariyad’a 2:19 Iomraidhean Croise

Ad’u Tinda 6:11

Alona mi we suma yam andagad’ina a mbut vama b’laka avoromu, arî asa’at ta led’a sasak,

Nehemi 9:28

Ata yima azi nga kur halasina, a hulong le tchod’a avorongû. Ni hina ba, ang arazi abo mazi suma djangûna; a te kaziya. Wani a hulong a tchi kang kua d’ei, ang tang humuzï akulo d’ei, yam we hohou mang nga ngola, ang sud’uzi woi yang dodogo.

Sawal la giled’a 78:8

Kayam azi le d’igi abuyozi ngolo suma yam mba ad’eng suma bei hum vun suma huruzi nga ade’esa d’uo suma a nga d’engzeng avok Alona d’uo na hina d’uo d’a.

Buzuk ka Abud’a 32:7

Ata yi máma Ma didina mi de mi Moise ala: Ang tchuk aseng kä atogo, kayam mang suma ang buzuguzï woi kur ambas sa Ezipte-d’ina, a b’lak wa.

Jeremi 16:12

Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 3:17

Kur bur máma a mba yi Jerusalem ala Zlamba hi Ma didinid’a. Andjaf suma lara ge pet a mba tok kurut ki simiyê Ma didina, a mba tit yam djib’er mazi d’a tcho d’a a so tazi kat ngingringa d’i.

Ezekiyel 20:30

Kayam ndata, ang dazi ala: An Salad’a Ma didina nga ni dala: Agi nga mbud’ugi tagi ndjendjed’a d’igi abuyogi ngola na, agi nga lagi gaulangâ kahle mazi suma ndjendjed’a mi d’uo zu?

Matiye 23:32

Hina, agi nga ndagagi vun sun nda ar abo abuyogi ngolod’a.

Gat ta a hat á mbàd’id’a 31:29

An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.

Josue 24:31

Israel-lâ a le sunda mi Ma didina kid’a Josue ki suma nglo suma a nga zlapa ki sed’ema a nga ki irazi tua d’a. Ni suma a we sunda pet ta Ma didina mi lat yam djivid’a hi Israel-lîd’a.

Suma ka sariyad’a 10:13

Wani agi aran ndeyo, agi kud’urogi alo ma dingâ. Ni kayam ndata ba, an nga sud’ugi d’uo ni na.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.

Suma ka sariyad’a 2:20

Ata yi máma Ma didina hurum zal ata Israel-lâ ngola, mi dala: Kayamba andjaf sum ndazina a but vun ma djin ma an djinim kabuyozi ngolona woyo, a ge nga yazi kä ad’u zla manda d’uo d’a,

Suma ka sariyad’a 2:7

Ablaud’a ti le sunda mi Ma didina kid’a Josue ki suma nglo suma a nga zlapa ki sed’ema a nga ki irazi tua d’a, ni suma a we sun nda nglo d’a Ma didina mi ndagat vunat yam Israel-lîd’a.

Suma ka sariyad’a 4:1

Bugol matna hi Ehut-na, Israel-lâ a nde le sun nda ding nga Ma didina tam nga d’i lum djivi kat tuo d’a.

Suma ka sariyad’a 8:33

Bugol matna hi Zedeyon-na, Israel-lâ a hulong a kud’or alo ma a yum ala Bäl-lâ, a mbut Bäl-Berit nalo mazina.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.