Suma ka sariyad’a 2:18 - Bible azumeina

¹⁸ Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.

Suma ka sariyad’a 2:18 Iomraidhean Croise

Ad’u Tinda 6:6

mi mbut hat hurum yam le d’a mi le sana yam andagad’id’a. Kayam ndata, hurum zal ngola,

2 Amuleina 13:4

Wani Jowahas mi tchen Ma didina ki hud’a. Ma didina mi humumu, kayam mi wala amul ma Siri-na nga mi kid’eî ir Israel-lâ heî.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 90:13

Ma didina, ang mba ar ayî mangâ kami hina gagak mindja ge? Ar ang wami ami azungeî mangâ hohowomiya!

Buzuk ka Abud’a 2:24

Alona mi hum zam ta mazid’a, mi djib’er yam vun mam ma djin ma mi djinim ki Abraham ki Isak ki Jakob-ma.

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Buzuk ka Abud’a 32:14

Ma didina hurum b’lengâ, mi ar bei lazi tcho d’a mam hurum zal ala mi lat mi sum mama d’a woyo.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Ndumba 10:9

Fata agi tchologi kur ambas magid’a á igi dur ayîna ki magi suma djangû suma a mba ndagi ayînina, agi mba bugi adifa ad’enga kiking. Hina wani, an Ma didina Alo magina mba ni djib’er kagi ni sud’ugi woi abo magi suma djangûna mi.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

Suma ka sariyad’a 11:32

Jefte mi i ata suma á duruziya; Ma didina mi humzi abomu.

Suma ka sariyad’a 2:19

Wani kid’a ma avorozina mita, azi hulong a le tcho d’a ding nga kala habuyozi ngolod’a, a zlap kalo ma dingâ teteng, a kud’uromu, a grif kä avorom mi. A ar nga sun mazi d’a tcho ndata d’oze hur mazi ma b’ala ki so vun mazina woi d’i.

Suma ka sariyad’a 3:9

Israel-lâ a nde tchi yam Ma didina; Ma didina mi tchol ki ma sud’uzina Otniyel Kenas ma Kalep wiyem ma gorâ goroma.

Suma ka sariyad’a 6:12

Malaikana hi Ma didinina mi nde tam mbei iramu, mi dum ala: Ma dur ma gangrangâ, Ma didina mi nga ki sed’engû!

Suma ka sariyad’a 6:16

Ma didina mi dum ala: An nga ki sed’engû; ang mba dur suma Madiyan-na ni d’igi ang durî sama tuna na.