Suma ka sariyad’a 2:1 - Bible azumeina

¹ Malaikana hi Ma didinina mi tcholï Gilgal mi mba Bokim, mi de mi Israel-lâ ala: An buzugugï woi avo Ezipte, an mba wa ki sed’egi kur ambas sa an hle vunan kat mabuyogi ngolo ki gun tad’id’a. An dala: An mba ni but vun ma djin ma an djinim ki sed’egina woi dei gak didin.

Suma ka sariyad’a 2:1 Iomraidhean Croise

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 16:13

Agar ri djop tat ala: Gagazi, na ni an we ni Mam ma nga mi wana zu? Ti yi simiyê Ma didin ma dat zlad’ina ala Angî El-Royi, Alo ma nga mi wana.

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Sawal la giled’a 89:3

Gagazi, an nga ni dala: O mang nga ang tinita ni d’a gak didinda, d’engzeng manga ang sirat akulo mi.

Sawal la giled’a 89:34

Wani an mba ni ar o man nda didin nda kamba woi d’i, yam d’engzeng manda, an mba ni mbud’um iram mbi.

Buzuk ka Abud’a 14:14

Ma didina mba mi dur ini kagiya, wani agi kagagi ni ki vunagi ma du’â.

Buzuk ka Abud’a 14:19

Malaikana hAlona ma nga mi tit avok kangâ hi Israel-lîna, mi ge tam mi i blogoziya, d’ugul la tchola gongzong nga nga d’i tit avorozid’a, ti hulong ti tchol blogozi mi. D’ugul ndata ti tchol aduk kangâ hi Ezipte-na ki kangâ hi Israel-lîna,

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 23:20

Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima.

Buzuk ka Abud’a 33:14

Ma didina mi hulong dum ala: An tanda mba ni tit ki sed’engû, an mba ni kalang kur yima tuk tad’a.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Jeremi 14:21

Yam simiyêngû, ang golomi is si. Ar zulona mi mba yam zlam mang nga amul la subura d’i, ar ang djib’era, ar ang but vun ma ang djinim ki sed’emina woi d’uo mi.

Sunda hi suma hi Levi-nid’a 26:42

Ata yi máma an mba ni djib’er yam vun man ma djin ma an djinim kabuyozi ngolona, nala, ki Jakob ki Isak ki Abraham. An mba ni djib’er yam vun ma hle ma an hlum yam ambas mazid’ina mi.

Sunda hi suma hi Levi-nid’a 26:44

Wani fata an mba ni izi kur ambasa hi mazi suma djangûnid’a, an mba ni arazi woi ki iran fafat ti, an mba ni golozi is gak mba ni dabazi woi d’i, an mba ni but vun man ma djin ma an djinim ki sed’ezina woi d’uo mi, kayam an ni Ma didina Alo mazina.

Zakari 11:10

An hle totogo man nda a yat ala Sumad’a d’a, an kuzut tei á but vun man ma djin ma an djinim ki suma petna woyo.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Ndumba 14:34

Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.

Gat ta a hat á mbàd’id’a 1:8

Agi gologiya! An tinigi ambasa avorogi wana. Agi i hlagi ambas sa an Ma didina ni gun tan kat mabuyogi ngolod’a, nala, Abraham, Isak ki Jakob, á hazizi kandjavazi ma mba blogozina mi d’a.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

Suma ka sariyad’a 11:24

Ang ndak á ve vama alo mangâ Kemos mi hangzina d’uo zu? Ahlena pet suma Ma didina Alo mamina mi hamizina, ami ndak á vamizi mi d’uo zu?

Suma ka sariyad’a 13:2

Sama ad’u andjafâ hi Dan-na mi nga Sora, a yum ala Manowa; amamba ti ni gendreged’a, ti nga d’i vut ti.

Suma ka sariyad’a 13:3

Malaikana hi Ma didinina mi nde tam mbei ir atcha ndata, mi dat ala: Gola! Nda’î gendreged’a, ndak nga d’i vut ti. Wani ndak mba d’i ve wirâ, ndak mba d’i vut gor mandjufâ.

Suma ka sariyad’a 2:5

A yi yi máma ala Bokim, a hahle suma ngat buzuna mi Ma didina kua mi.

Suma ka sariyad’a 6:8

Ma didina mi sunuzi ma djogom vunama. Sa máma mi dazi ala: Ma didina Alona hi Israel-lîna mi dala: An ni buzugugï woi avo Ezipte kur azì ma a lagi magomba kuana.