Suma ka sariyad’a 19:6 - Bible azumeina

⁶ Bugola, azi zla tazi djak a te, a tche. Gora abutna mi de mi ndjuvut ala: Ar tang lang djivid’a, ang ve tang ang bur to, ang i tua.

Suma ka sariyad’a 19:6 Iomraidhean Croise

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

1 Amuleina 21:7

Amamba Jezabel ti dum ala: Ki tchetchemba, ni ang ba namul ma Israel-lâ d’uo zu? Ang tchol akulo ang të; ar hurung b’lenga. Ni an ba ni hang asine ma guguzlud’a hi Nabot ma Jisreyel-lâ!

Ester 1:10

Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Wana ni Zla d’a Djivi d’a Luc mi b’irita 12:19

An mba ni de mi tan ala: Ang nga kahlena ngola kur avureina á le bizad’a ablaud’a. Ang tuk tangû, ang te, ang tche, ang le furîd’a.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Vama ndum mbeina 11:10

Suma yam andagad’ina a mba le furîd’a yam matna hi suma mbà ndazinina. A mba le furîd’a, a mba sun he d’a hawad’a aduk tazi kayam suma djok vun Alo suma mbà ndazina a le suma yam andagad’ina ndaka heî.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Suma ka sariyad’a 16:25

Kur furî mazid’a a dala: Agi i yagï Samson mi mbeï mi lei zla d’a sanda. A yï Samson ndei kur dangeina, nga mi lü djongâ avoroziya. A tcholom aduk grak ka hur gongid’a.

Suma ka sariyad’a 19:7

Ma hi Levi-na mi tchol á id’a, wani akunoma mi tezem ped’et mi ve tam mi burâ.

Suma ka sariyad’a 19:9

Atchad’a ndjuvut mi tchol á id’a kamamba kazong mama, wani akunoma, nala, gora abud’u, mi dum ala: Gola! Afata ar go á nika, yina mi kal mi. Agi burugi kä to! Gola! Afata arî go á nika mi. Ar tang lang djivid’a, agi burugi ka hî to. Avin agi mba tchologi ki yorogo tcholola, agi igi avo hatangîya.

Suma ka sariyad’a 9:27

A buzuk a i abagei a dut vut guguzlu mazid’a, a mired’ed’u, a lü vun tilâ, a tchuk kur gonga halo mazinid’a, a nga te, a nga tche, a nga de zla d’a tchod’a yam Abimelek.

Wana ni mbaktum mba a b’irit yam Rut-ta 3:7

Bowas mi te, mi tche, tam mbi lum djivid’a, mi i bur kä avun awu mam ma nga mola kä na. Rut ti mbeï lam lam, ti yo borogo ma asema akulo, ti bur kä.

1 Samuel 25:36

Abigayel ti mba avo. Ti fe Nabal mi le nga te ma luna d’igi luna hamulîna na. Nabal mi le furîd’a ngola, mi gurut tei mi. Ndat dum nga zla tu d’i gak yina fo.