Suma ka sariyad’a 19:22 - Bible azumeina

²² Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.

Suma ka sariyad’a 19:22 Iomraidhean Croise

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

Ezekiyel 16:46

Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

2 Korente-na 6:15

Na ni Christ mi ndak á le darigïd’a ki Seitan zu? D’oze, sama he gagazid’a ki sama bei he gagazid’a a zlap darigïd’a tu zu?

Gat ta a hat á mbàd’id’a 13:13

Suma zlazi nga d’uo na a tchol adigagi á lop suma a nga kaka kur azì ma ngolîna ala: Ar ei i kud’orei alo ma ding ma tetengâ, nala, ma agi wum nga yagi tu d’uo na ni,

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Suma ka sariyad’a 16:25

Kur furî mazid’a a dala: Agi i yagï Samson mi mbeï mi lei zla d’a sanda. A yï Samson ndei kur dangeina, nga mi lü djongâ avoroziya. A tcholom aduk grak ka hur gongid’a.

Suma ka sariyad’a 20:5

Suma Gibeya-na a mba atanu, kandjeged’a a ngui azì ma an nga kuana, a tin huruzi ná tchan anu. Wani a le murud’umba kamanda, ti mid’a.

Suma ka sariyad’a 20:6

An hlaman nda gora, an pawat hliwit teyo, an sunum yam andaga d’a a hat djona mi Israel-lâ pet. Kayam azi le ni sun nda tchi matna ki sun nda tchod’a aduk Israel-lâ.

1 Samuel 1:16

Ang golon d’igi an natcha d’a zlat nga d’uo d’a na d’i. An tchen ngola ni kayam pupuluk ka tanda ki hur man ma hata.

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.

1 Samuel 2:12

Eli groma ni suma zlazi nga d’uo na, a we nga Ma didina d’i.

1 Samuel 25:25

Salana, ar ang ve zlad’a hi Nabal ma asa’at mámid’a d’i. Mam mi d’igi simiyêm ma a yum ala Nabal-lâ na, mi ni lilid’a. An wei manga ni we nga azungeî suma ang sunuzïna d’i.