Suma ka sariyad’a 18:7 - Bible azumeina

⁷ Suma vahl ndazina a iya, a mbaza Layis, a fe sumazina a nga kaka ki halasa tchugot d’igi suma Sidon-na na, ki halasa bei djib’era ba. Sa mi nga gevezi á lazi ndak koze á te kazi d’uo mi. Azi ni kaka woi dei ki suma Sidon-na, azi ve nga bana ki suma ding nguo mi.

Suma ka sariyad’a 18:7 Iomraidhean Croise

1 Amuleina 1:6

Mam mi ma vut yam Apsalom-ma; mam tamba pî mi djif heî mi. Wani abum mi ngobom nga yam ahle suma mi lazina yam tu d’ala: Ang le na ni me na ge d’a d’i.

1 Amuleina 16:31

Mi golî d’igi ni vama akid’eina iram na á tit bugol tcho d’a Jerobowam Nebat goroma d’a mi lata, mi i ve ni Jezabel Etbäl amul ma Sidon-na goromba, mi nde le sunda malo ma a yum ala Bäl-lâ, nga mi kud’urom mi.

1 Sunda Hamuleinid’a 4:40

A fambas sa bubu d’a halas sa hatna nga d’ufa kat djivid’a gugulîd’a. Suma a kak kat avo’â nandjafâ hi Ham-ma.

Jeremi 49:31

Ma didina mi dala: Agi tchologi akulo, agi igi ata andjaf ma nga kaka tchugotna, ata suma a nga kaka halasâ. Azi nga ki bapma d’oze kawei ma murgulina atam mbi, a ni kaka woi vazi hina tchilang.

Romê-na 13:3

Kayam suma a le sun nda djivid’ina a nga ki mandarâ avok suma te yamba d’i. Wani suma a le sun nda tchod’ina a nga le mandarâ avoroziya. Ang min le mandara ma te yamba d’uo zu? Ang le ni djivid’a. Hina wani, mam mba mi yorongû.

Josue 19:47

Andagad’a handjafâ hi Dan-nid’a ti ar avorozi tua, kayam andjafâ hi Dan-nid’a a i dur azì ma Lesem-ma, a hlumu, a tchi suma kurâ ki mbigeu d’a fiyaka, a kak kua. Azi yi azì máma ki simina habuzi ngolona ala Dan.

1 Pierre 2:14

d’oze suma te yamba ki mazi suma a sunuzi á gat suma a nga le tchod’ina, á yor suma a nga le djivid’ina mi na.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

Suma ka sariyad’a 18:29

Azi yazì ma ngol máma ala Dan ki simiyê abuzi Dan ma a vud’um mi Israel-lîna. Wani avok a yazì ma ngol máma ala Layis.

Suma ka sariyad’a 18:6

Ma ngat buzu máma mi dazi ala: Agi igi ki halasa! Ma didina mi tinigi kur akoi magi d’a agi nga ita.

Suma ka sariyad’a 18:8

Suma vahl ndazina a hulongî gen b’oziyozina avo Sora ki Estawol. B’oziyozina a djobozi ala: Agi mbagi ni ki zla me ge?

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.